Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

E-TJERA

Humbja 4-0 me Zvicrën, reagon presidenti i Federatës së Futbollit të Kosovës

Politiko 6 Shtator 2025, 14:43

Humbja 4-0 me Zvicrën, reagon presidenti i Federatës së Futbollit

Kosova pësoi një humbje të rëndë ndaj Zvicrës në Bazel, duke u mundur 4-0 në ndeshjen kualifikuese për Kampionatin Botëror 2026.

Pas ndeshjes, presidenti i Federatës së Futbollit të Kosovës, Agim Ademi, e quajti disfatën të dhimbshme, por theksoi se netë të tilla janë pjesë e futbollit dhe se ekipi duhet të reagojë fuqishëm në sfidat e ardhshme.

“Kjo është vetëm një betejë e humbur dhe jo fundi i rrugës. Kam besim te këta djelmosha, të cilët do të nxjerrin mësime dhe do të rikthehen më të fortë”, tha Ademi 

Ai gjithashtu vlerësoi mbështetjen e tifozëve kosovarë në Bazel, ku stadiumi ishte i mbushur kryesisht nga “Dardanët”. “Për këtë mikpritje dhe dashuri të pakufijshme për Kosovën, jam thellësisht mirënjohës”, shtoi ai.

Kreu i FFK-së bëri thirrje që tifozët të vazhdojnë ta përkrahin kombëtaren, sidomos në ndeshjen e radhës kundër Suedisë, e cila zhvillohet më 8 shtator në Prishtinë. “Forca jonë më e madhe është uniteti. Vetëm kështu mund të rikthehemi pas një mbrëmjeje si kjo dhe të vazhdojmë të kërkojmë suksesin e shumëpritur. Kombëtarja është e të gjithëve dhe duhet ta mbështesim në ditë të mira, por edhe në ditë të vështira”, përfundoi Ademi.

Të fundit