Flash News

Sherr në varrezat e Durrësit, plagosen babë e bir

Aksidentohet për vdekje një grua në Tapizë, pranga shoferit 33-vjeçar

Mbrëmë i shpëtoi atentatit/ Kush është Katerina Beqo, gruaja që ishte në makinë me djalin e vogël kur i ekzekutuan burrin (Ngjarja)

Dyshohet se u përdor në vrasjen e Gjovalin Prendit, gjendet i djegur një automjet në Fushë Gjormë

“Shqipëria s’e mbajti dot”, Lara Colturi zgjedh Italinë për karrierën

E-TJERA

Dhunimi i gazetarit Xhoi Malësia, reagon Shoqata e Gazetarëve: Sjellje e padenjë nga ana e uniformave blu! Përgjegjësit të vihen para drejtësisë

Politiko 11 Dhjetor 2020, 10:30
Dhunimi i gazetarit Xhoi Malësia, reagon Shoqata e Gazetarëve: Sjellje
Foto Ilustruese

Shoqata e Gazetarëve Profesionistë të Shqipërisë dhe Lidhja e Gazetarëve të Shqipërisë kanë reaguar ashpër pas dhunimit të gazetarit të Ora News, Xhoi Malësia, në protestën e djeshme gjatë raportimit drejtpërdrejtë.

Përmes një deklarate publike, shoqata e gazetarëve solidarizohet me gazetarin Xhoi Malësia, duke deklaruar se dhuna e përsëritur ndaj gazetarëve në krye të detyrës është e papranueshme.

Shoqata e Gazetarëve Profesionistë të Shqipërisë dhe Lidhja e Gazetarëve të Shqipërisë, i kërkojnë drejtuesve të policisë së shtetit dhe atyre të komisiariatit numër 2 identifikimin dhe vënien para përgjegjësisë të efektivëve që dhunuan dhe penguan gazetarin Malësia të kryejë detyrën.

“Kjo sjellje e padenjë nga ana e uniformave blu duhet të ndalet edhe ndaj cdo punonjësi të medias që thjesht bën detyrën e tij në terren”, thuhet në deklaratën e Shoqatës së Gazetarëve Profesionistë të Shqipërisë dhe Lidhjes së Gazetarëve të Shqipërisë.

Deklaratë solidariteti me gazetarin Xhoi Malesia:

Shoqata e Gazetarëve Profesionistë të Shqipërisë dhe Lidhja e Gazetarëve të Shqipërisë shprehin indinjatën për sjelljen e dhunshme të policisë ndaj gazetarit Xhoi Malësia të RTV ORA.

Kolegu Malësia është penguar, dhunuar fizikisht e më pas shoqëruar në polici, teksa raportonte mbrëmjen e datës 10 Dhjetor 2020, mbi përplasjen mes protestuesve me policinë gjatë protestave, që po zhvilloheshin në kryeqytet pas vrasjes së një 25 vjecari nga një efektiv policie.

Kjo dhunë policore ndaj një gazetari në krye të detyrës edhe është vetëprezantuar me zë të lartë e në mënyrë të përsëritur, është një sjellje e papranueshme dhe jo e re ndaj gazetarëve. Denoncimet e rasteve të tilla nuk kanë gjetur reflektim nga kupola drejtuese e policisë së shtetit, duke bërë që ato fatkeqësisht të përsëriten.

Shoqata e Gazetarëve Profesionistë të Shqipërisë dhe Lidhja e Gazetarëve të Shqipërisë, i kërkojnë drejtuesve të policisë së shtetit dhe atyre të komisiariatit numër 2 identifikimin dhe vënien para përgjegjësisë të efektivëve që dhunuan dhe penguan gazetarin Malësia të kryejë detyrën.

Kjo sjellje e padenjë nga ana e uniformave blu duhet të ndalet edhe ndaj cdo punonjësi të medias që thjesht bën detyrën e tij në terren. Eshtë një ndërhyrje dhe pengim flagrant i të drejtës së raportimit dhe informimit të publikut e fjalës së lirë, themele të shtetit të së drejtës, që duhet të garantohen edhe nga policia e shtetit.

Shoqata e Gazetarëve Profesionistë të Shqipërisë dhe Lidhja e Gazetarëve të Shqipërisë mbështesin dhe nxisin cdo gazetar në vend, që të mos dekurajohet nga ngjarje të tilla, por të vijojë të kryejë me përkushtim e profesionalizëm misionin informues në shërbim të publikut. 

Të fundit