Flash News

E-TJERA

Sulmi me armë në TCH, reagon AMA: Goditje ndaj demokracisë dhe fjalës së lirë, organet të zbardhin ngjarjen

Sulmi me armë në TCH, reagon AMA: Goditje ndaj demokracisë dhe

Autoriteti i Mediave Audiovizive (AMA ka reaguar pas ngjarjes së rëndë të ndodhur në ambientet e Top Channel, ku të shëtnat me breshëri kallashnikovi i morën jetën rojes së sigurisë, Pal Kola 60 vjeç.

AMA në reagimin e saj shkruan se sulmi ndaj TCH është goditje e rëndë ndaj demokracisë, fjalës së lirë dhe medias.

AMA i shpreh ngushëlime familjes së viktimës, teksa kërkon nga organet ligjzbatuese zbardhjen e shpejtë të ngjarjes.

“Ngjarja e mesnatës së kaluar, kur godina e televizionit Top Channel ishte objekt një sulmi me armë zjarri, me pasojë humbjen e jetës së një punonjësi të sigurisë, po përcillet me shumë shqetësim nga Autoriteti i Mediave Audiovizive. Goditja e një mjedisi mediatik është një goditje ndaj demokracisë, ndaj lirisë së fjalës dhe mendimit.

AMA shpreh ngushëllimet për familjen e punonjësit që humbi jetën nga ky agresion i papranueshëm dhe qëndron në krah të të gjithë ekipit të televizionit në këto momente të vështira.

AMA kërkon nga institucionet ligjzbatuese që të përparojnë me shpejtësi për ndriçimin sa më pare të rrethanave dhe autorët të vihen para përgjegjësisë ligjore”, thuhet në njoftimin e AMA.

 

Të fundit