Atentati në Elbasan, viktimës iu vra vëllai disa vite më parë, ishte kushëri me Arjan Spahiun

Pasditen e 11 majit u ekzekutua në një atentat 41-vjeçari Everest Çaka, i njohur edhe me emrin Ibrahim Çaka.

Ai u qëllua me breshëri plumbash në sy të bashkëshortes në automjetin që drejtonte. Për pasojë, Çaka ndërroi jetë, ndërsa e shoqja, Silvana u plagos në dorë.

Policia nuk ka të dhëna për autorët, por ka ngritur pika kontrolli për kapjen e tyre.

Në databaset e policisë, viktima nuk rezulton të jetë me precedent penal, por lidhet indirekt me ngjarje të tjera kriminale.

Kjo është pista e parë ku po heton policia nëse kemi të bëjmë për vrasje për hakmarrje, pasi viktima ishte i dyshuar për një ekzekutimin e  Gëzim Alikajt në vitin 2010, pasi ky i fundit i kishte vrarë vëllain në Barcelonë të Spanjës disa vite më parë.  

Po ashtu, Caka ishte kushëri me Arjan Spahiun, i cili u ekzekutua një vit më parë në Bruksel me tetë plumba.

Pak ditë më parë, lidhur me këtë ngjarje erdhën në Elbasan një grup hetuesish dhe prokurorësh belgë. 

Tre hetues, së bashku me prokurorë dhe përfaqësues të ambasadës, kryen takime intensive me zyrtarë të lartë të Policisë dhe Prokurorisë në Elbasan dhe qëllimi ishte mbledhja e informacioneve për Arjan Spahiun dhe aktivitetin e tij në Elbasan dhe jo vetëm, të cilat mund të çojnë në zbardhjen e motive të ekzekutimit të tij.

Spahiu ka qenë i akuzuar 11 vjet më parë si organizator i vrasjes se Gëzim Alikajt, ngjarje e ndodhur në qytetin e Elbasanit, në afërsi të Urës së Zaranikës.

Sipas hetimeve të kohës, ky i fundit dyshohet se kishte vrarë 13 vite më parë një të afërm të Arjan Spahiut, çka ka bërë që hetuesit belg të dyshojnë se, krimi ndaj 38-vjeçarit një vit më parë, lidhet pikërisht me këtë ngjarje.

Gjithçka mendohet se është pasojë e luftës mbi kontrollin e territorit për trafikimin e drogës mes grupeve kriminale shqiptare në disa qytete europiane.

Njoftimi i policisë

Rreth orës 20:10, në lagjen "Skënderbe", Elbasan,  në rrethana ende të paqarta është vrarë me armë zjarri në mjet  shtetasi E.Ç, rreth 41 vjeç si dhe është plagosur në dorë bashkëshortja e tij shtetasja S.Ç., jashtë rrezikut për jetën.

Shërbimet e Policisë kanë shkuar menjëherë në vendngjarje dhe kanë rrethuar zonën. Janë ngritur pika konrolli në hyrje - daljet në qytetin e Elbasanit dhe vijon kontrolli i zonës.

Grupi hetimor nën drejtimin e Prokurorisë ndodhet në vendngjarje dhe  vijon puna për  zbardhjen e plotë të shkakut dhe rrethanave të ngjarjes si dhe identifikimin e  kapjen e autorit/ve. 

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm