Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

E-TJERA

Ish-ministri i Jashtëm: McGonigal u deklarua fajtor, pse nuk pati hetim për Ramën?!

Politiko 18 Shtator 2023, 22:37

Ish-ministri i Jashtëm: McGonigal u deklarua fajtor, pse nuk pati hetim

Ish-ministri i Jashtëm Aldo Bumçi, i ftuar në studion e emisionit “Open” ka folur në lidhje me çështjen e Fredi Belerit dhe lënien e tij në burg pas apelimit në GJKKO.

Bumçi u shpreh se nuk ka asnjë ligj që ndalon betimin e Fredi Belerit si kryebashkiak i Himarës, edhe pse ky i fundit ndodhet prej muajsh tanimë në qeli, i akuzuar për shitblerje votash.

Ai shtoi se Rama ka kapur gjithçka në vend, teksa tha se ky rast është i ngjashëm me diktaturën pasi një kandidat për kryebashkiak përfundon në qeli.

Sakaq, ai paralelizoi këtë rast me atë të Charles McGonigal, duke thënë se ky i fundit është deklaruar fajtor para drejtësisë amerikane, gjë që sipas tij duhet të nxiste një hetim nga SPAK për kryeministrin Rama në Shqipëri.

“Raporti i OSBE thotë se ka pasur blerje vote, por më keq ka qenë përdorimi i shtetit në zgjedhje. Kush e kishte shtetin? Nuk ka asnjë hetim për daljen e të dhënave. Jemi në vitin e katërt pasi ka rënë tërmeti. Janë ndarë para për tërmetin në këto zgjedhje.

Rama e quajti kodin e votuar zgjedhor kinezrëi sepse nuk e respekton. Beleri kapet me akuzën për 400 mijë lekë të vjetra, te restoranti i tij. Kjo është diktatura. Futet kandidati në burg dhe më pas fiton zgjedhjet. Qytetarët janë ndjerë të kërcënuar. Atyre u prish shtëpitë dhe u merr pronat.

Nuk ka ligj që ndalon betimin. Ai duhet të betohet si kryebashkiak. Rama ka kapur gjithçka. McGonigal është arrestuar dhe po deklarohet fajtor. Pse nuk pati SPAK një hetim për kryeministrin këtu”, u shpreh ai.

Të fundit