Flash News

Tre efektivë policie në Tiranë nën hetim për veprime arbitrare ndaj një të mituri

DW: Zgjedhjet parlamentare, provë vendimtare për në BE

Gazment Bardhi me akuza të forta: Terroristë elektoralë të Ballukut po blejnë vota në Fier

Kandidati i PS para në këmbim të votave? Policia procedon personin që e denoncoi me video

Prokuroria kërkon tre burgime të përjetshëm për Dan Hutrën

E-TJERA

ISP paralajmëron largime të tjera nga Kuvendi: Disa emra do të dorëhiqen gjatë sesionit të parë dhe të dytë

Politiko 8 Shtator 2021, 14:19

ISP paralajmëron largime të tjera nga Kuvendi: Disa emra do të

Dy ditë para mbledhjes së Kuvendit për legjislaturën e re, Instituti i Studimeve Politike ka paralajmëruar se përveç deputetëve që kanë dhënë dorëheqjen, pas zgjedhjeve të 25 prillit, do të ketë edhe emra të tjerë që do të dorëhiqen gjatë sesionit të parë dhe të dytë të legjislaturës.

"ISP llogarit të ketë edhe emra të tjerë që do të dorëhiqen ndofta gjatë sesionit të parë dhe të dytë të legjislaturës", thuhet në një analizë kushtuar seancës së parë të legjislaturës së X.

ISP veçon si interesant faktin që në seancën e së premtes nuk do të jenë 140 deputetë, pasi nuk janë zëvendësuar nga KQZ disa nga ata që kanë dhënë dorëheqje.

Gjithashtu shton se kjo është hera e parë që parlamenti mblidhet në një ditë të premte, pasi më 1997 dhe 2017 është mbledhur në fundjavë dhe në pesë raste të tjera është mbledhur ditën e hënë, pra në fillim të javës.

Mbledhja e parlamentit me 10 shtator përputhet me përcaktimin kushtetues të mandatit të parlamentit të vjetër (4 vjet, në të njëjtën ditë). Sipas Rregullores së Kuvendit, mbledhja e parë drejtohet nga deputeti më i vjetër në moshë që është socialistja Luljeta Bozo.

Në zgjedhjet e 25 prillit, PS arriti të siguronte 74 mandate, PD mori 59 deputetë, LSI arriti të siguronte 4 dhe PSD e Tom Doshit mori 3.

Të fundit