Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

E-TJERA

“Jam prekur kur erdhi djali”, shitësja e luleve rrëfen vrasjen e Artan Santos

Politiko 23 Dhjetor 2023, 18:48

“Jam prekur kur erdhi djali”, shitësja e luleve rrëfen

Valbona, e cila për 20 vite ka shitur trëndafilat e mbjella në kopshtin e saj në rrugët e Bllokut në Tiranë, rrëfen ngjarjen që tronditi Shqipërinë në vitin 2014, vrasjen e Artan Santos.

Për Euronews Albania, ajo ka treguar se Santo blinte gjithmonë lule dhe se ishte një njeri i kulturuar. Ditën e vrasjes, Valbona thotë se kishte dalë si përditë për të shitur kur dëgjoi të shtënën. Ajo thotë se nuk e dinte kush ishte vrarë dhe se më vonë e ka kuptuar se bëhej fjalë për Santos.

Momenti më i prekshëm për të ka qenë kur djali i Santos ka mbërritur në vendin e ngjarjes.

“Më shumë përshtypje më ka lënë Artan Santo, ishte njeri i kulturuar me edukatë. Blinte lule, sidomos të shtunave që ishte dhe me familjen, merrnin lulet e freskëta dhe i kanë blerë gjithmonë tek unë. Nuk e dija që ishte drejtor banke. Pastaj kur e kam parë në televizor kush ishte, thashë ky njeri kaq i madh blinte lule në rrugë dhe ishte kaq i sjellshëm. Fliste sikur ishte rritur në katund me ne, ishte me shumë kulturë dhe i respektueshëm. As dhuratë nuk pranonte t’i jepje, gjithmonë të jepte paratë.

Kisha dalë si përditë aty dhe dëgjova të shtënën, i thashë burrit që ndodhi një vrasje. Ai ishte në kafe pak më lart. Nuk e dinim kush ishte vrarë. Ishin tronditur dhe fëmijët se të gjithë gazetarët dhe kamerat kishin kapur mua dhe kisha dalë në çdo stacion televizv. Erdhi policia bllokoi zonën dhe unë ngela aty deri në fund. Mbeta aty me kovat me lule pasi më thanë të mos lëvizja dhe t’i prekja lulet.

Jam prekur kur erdhi djali i tij dhe pa vendin. Shumë ditë më vonë pësova si ankth më dukej sikur do ndodhte prapë. Qytetarët e Tiranës merrnin lule për atë dhe i vendosnin te vendi ku u vra, aty e kuptova kush ishte ky njeri. Dhe kjo punë zgjati një vit”, tha ajo.

Të fundit