KAS pranon kërkesën e PS, rrëzohet  fleta e votimit me emra; PD e çon në Kolegjin Zgjedhor

Fleta e votimit për zgjedhjet e 25 prillit nuk do të jetë me emrat e kandidatëve siç propozim komisioneri shteteror i zgjedhjeve Ilirjan Celibashi, por me numra.

Ky është vendimi që ka marrë Komisioni i Ankimieve dhe Sanksioneve (KAS), duke pranuar ankimimin e Partisë Socialiste për një fletë votimi me numra.

Përfaqësuesi i PS, Eridian Salianji në një nga mbledhjet e KQZ, mori shembullin e Tiranës. Sipas tij në këtë qark, po të ndiqet varianti i propozuar nga Celibashi, e bën të vështirë zgjedhjen nga qytetarët pasi në fletë do të ketë mbi 500 shënime.

Ndërkohë, Partia Demokratike do të ankimojë vendimin në Kolegjin Zgjedhor.

Po ashtu Salianji shtoi se do të bëjë që të krijohen radhë në qendrat e votimit, në një kohë ku përballemi me pandeminë e Covid.

Salianji u shpreh se fleta me emrat e kandidatëve ndikon negativisht edhe në procesin e numërimit.

Po ashtu, KAS ka rrëzuar kërkesën e PD, që orientimi i fletës së votimit do të jetë horizontale.

KAS ka vendosur edhe ndryshimin e logos së Bindjes Demokratike pasi ngjante me atë të PD.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm