Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Kim Mehmeti: Ballkani edhe deri tani ka qenë i hapur për hajdutët, mafien dhe kriminelët

Politiko 21 Dhjetor 2021, 17:53

Kim Mehmeti: Ballkani edhe deri tani ka qenë i hapur për

Shkrimtari dhe analisti i njohur shqiptar nga Maqedonia e Veriut, Kim Mehmeti ka komentuar takimin e tre liderëve të Shqipërisë, Serbisë deh RMV në Tiranë, teksa u mbaj takimi i radhës lidhur me nismën e ‘Ballkanit të Hapur’.

Në një postim në rrjetet sociale, Mehmeti shkruan me ironi se Ballkani edhe deri tani ka qenë i hapur për hajdutët, mafien dhe kriminelët. Sipas tij, sot në Tiranë janë takuar drejtuesit e tre shteteve më të korruptuara të këtyre hapësirave.

“Sa e di unë, Ballkani edhe deri tani ka qenë i hapur për hajdutët, mafien dhe kriminelët! Edhe deri më tani kufijtë e shteteve të këtushme kanë ekzistuar vetëm për skamnorët, për mërgimtarët, të cilëve u merret ryshfet për ta kaluar kufirin si dhe për të papushtetshmin, e jo për banditit e veshur me petkun e pushtetit, e të cilëve u përkulen kufitarë e doganierë!

Dhe në Tiranë sot janë takuar drejtuesit e tre shteteve më të korruptuara të këtyre hapësirave, mes të cilëve edhe ai i Maqedonisë që u dha pasaporta qindra kriminelëve më të njohur të botës, e për çka nuk mbajti përgjegjësi askush.

Pra në Tiranë kuvendojnë Presidenti i Serbisë, luftënxitësi i dalë nga kapota antishqiptare e Millosheviqit, Kryeministri i dorëhequri i Maqedonas dhe, nikoqiri i tyre, Piktori, i cili e rrënoi Tetarin Kombëtarë në Tiranë, por siç duket, do i ngre vetvetes përmendore në mes të Beogradit.

Dhe siç duket, projektuesit e ‘Ballkanit të Hapur” nuk e kanë kuptuar se ata ndërtuan banana-shtete, se problemi i vendeve të tyre nuk është pse ato nuk i do Evropa, po pse nuk i duam as ne që jetojmë në to.

Nuk dua të vë shenjë barazimi, por me diçka, takimi i tre burrështetasve ballkanik në Tiranë, m’i rikujton kuvendet e ‘kryefamiljarëve’ mafioz, e të cilët mblidhen herë pas here, sa për t’ia puthur dorën dhe, sa për t’i shprehur besnikëri ‘kumbarës’ së tyre!”, shkruan Mehmeti.

 

Të fundit