Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

E-TJERA

Kishte kthyer banesën në bazë furnizimi për grupet kriminale, zbardhet dëshmia e Aleks Lulashit

Politiko 6 Dhjetor 2023, 09:22

Kishte kthyer banesën në bazë furnizimi për grupet

Aleks Lulashi, pronari i shtëpisë në Kurbin e cila ishte kthyer në bazë furnizimi me mjete për grupet kriminale, ka dëshmuar në polici. Para uniformave blu, Lulashi ka pranuar posedimin e mjeteve të gjetura në fshatin Gurez.

Lulashi ka thënë se prej shumë vitesh blinte e shiste sende të ndryshme, por që sipas tij nuk kishin lidhje me grupet kriminale.

Banesa e vjetër e tij shërbentë si magazinë, pasi Lulashi bashkë me familjen e tij jetonin në një banesë të re të ndërtuar pak metra më larg. Deri tani nuk është identifikuar se për llogari të kujt jepeshin këto mjete dhe cilët mund të kenë qenë bashkëpunëorët e grupeve kriminale.

Aparati celular i Aleks Lulashit i cili është sekuestruar në cilësinë e provës materiale do të ekzaminohet për të parë komunikimet që mund ketë patur 40-vjeçari.

Gjatë kontrollit u gjetën dhe sekuestruan 1 automjet tip "Mazda", me ndërhyrje dhe me dëmtime në strukturën e tij, për të pamundësuar përcaktimin e të dhënave të automjetit, 5 motomjete me fuqi të lartë motorike, të dyshuar të vjedhur, 4 palë targa, për automjete dhe motomjete, të dyshuara të vjedhura në qytete të ndryshme të Shqipërisë dhe në Kosovë.

Po ashtu u sekuestrua edhe 400 gramë lëndë e dyshuar eksplozive.

 

Të fundit