Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

E-TJERA

KQZ njofton se fletët e votimit për 6 qarqe janë gati, kur pritet të vijnë në Shqipëri

Politiko 16 Prill 2021, 10:45
KQZ njofton se fletët e votimit për 6 qarqe janë gati, kur pritet
Foto ilustruese

Kreu i Komisionit Qendror të Zgjedhjeve, Ilirjan Celibashi  njoftoi se kompania sllovene 'Cetis' ka përfunduar printimin dhe paketimin e fletëve të votimit për 6 qarqe.

Ai bëri me dije se fletët të votimit për Vlorën, Korçën, Beratin, Gjirokastrën, Elbasanin dhe Fierin do të mbërrijnë në Shqipëri gjatë ditës së sotme. Vonesa në përcaktimin e modelit të fletës së votimit, "rrezikoi" printimin dhe ardhjen në kohë të tyre në Shqipëri, por më pas u njoftua se do vinin brenda afatit.

Pavarësisht debateve mes partive politikë, Kolegji Zgjedhor vendosi që fleta e votimit të ishte me numra, propozim ky i Partisë Socialiste.

Këtë të premte Komisioni Qëndror i Zgjedhjeve ka zhvilluar një provë për votimin elektronik për zgjedhjet e 25 prillit. Celibashi u shpreh se janë marrë të gjitha masat e nevojshme dhe sipas tij, vota është e mbrojtur 100%.

“Ajo që mund të themi është se procesi që do zhvillohet në njësinë numër 10 është 100% i sigurtë dhe asnjë tjetër nuk mund të përpiqet ta manipulojë. Siguria e votës është 100% e sigurt”, tha Celibashi.

Teksa na ndajnë vetëm pak ditë nga zgjedhjet e 25 prillit, KZAZ-të në vend janë duke bërë gati godinat e tyre. Mëngjesin e sotëm në Lezhë, kanë mbërritur materialet zgjedhorw për dy KZAZ-të e këtij qyteti. Kamerat dhe monitorët kanë filluar të montohen.

Kjo gjë pritet të ndodhë edhe në qytetet e tjera ditët në vijim. Për herë të parë në Shqipëri, në zgjedhje do të aplikohet teknologjia. KQZ gjatë ditëve të fundit ka publikuar spote, të cilat shërbejnë për të informuar qytetarët mbi mënyrën se si do të votojnë.

Të fundit