Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

E-TJERA

'Krifca u kallëzua në SPAK', Soko: Rreth 30 mln euro nga abuzimi me fondet e IPARD

Politiko 13 Shtator 2023, 11:41

'Krifca u kallëzua në SPAK', Soko: Rreth 30 mln euro nga

Eksperti i ekonomisë Pano Soko ka komentuar lidhur me kallëzimin e bërë një ditë më parë në SPAK për tu hetuar ish-ministrja e Bujqësisë, drejtuesit e AZHBR-së dhe zinxhiri vendimmarrës që janë përgjegjës për atë vendim ku Shqipëria përjashtohet nga fondet e BE-së.

Sako në studion e ‘MCN Live’ tha se tashmë ka një padi konkrete në SPAK dhe se Prokuroria ka nisur hetimet vetëm pas raportit të Bashkimit Evropian.

Soko sqaroi se BE e konsideron këtë si një nga abuzimet më të mëdha me fondet e IPARD.

“Arroganca përballë pushtetit është problem i madh. Mbivendosja e pushtetit administrativ mbi çdo pushtet tjetër tregon që këtu nuk kemi demokraci. Kjo e djeshmja ishte një punë që kishim gati 2 muaj dhe tashmë njoftuam që ka një padi konkrete duke nxitur SPAK që të vazhdojë të gjithë procesin e verifikimit për të gjithë personat që sot janë përgjegjës që Shqipëria nuk përfiton më fonde nga IPARD.

I gjithë zinxhiri drejtues i AZHBR, në momentin kur raporti i OLAFit i referohet kemi pasur një raport të ndërmjetëm, në 2020 dhe OLAF si një institucion tejet profesional vendos ta çojë në SPAK këtë raport pa zhurmë sepse në një shtet normal kështu veprohet, dhe natyrisht që partnerët pritën të kishte një reagim nga organet, por ata panë një zvarritje të çështjes, e gjithë kjo u kuptua se u futën në këto ujëra teknikalitetesh për zvarritje”.

Në vijim ai shtoi se duke qenë se para një javë doli raporti përfundimtar nisma “Thurrje” ja paraqiti SPAK për ta rivlerësuar dhe njëherë çështjen e fondeve të bujqësisë. Ai tha se vlerësimi paraprak i dëmit kap shifrën rreth 30 mln eurove.

“Raporti është sot në zyrat e BE-së, SPAK mund të shkojë dhe të interesohet në këto zyra, tashmë janë procedura që SPAK mund ti sigurojë. Në bazë të këtyre informacioneve që ne morëm ja çuam SPAK. Mënyra se si po operohet ka qenë fakti që BE e konsideron abuzimin më të madh me fondet nga një vend jo i BE-së, nga një vend jo i bashkimit evropian.

Shifra që përmendet është afërsisht te 30 mln euro dhe do duhet të detajohet më pas. Praktikisht kjo ka shtyrë BE të ndërmarrë masën më ekstreme që se ka marrë ndonjëherë për ndërprerjen e IPARD. Pra ka qenë thellësia e dëmit, shtrirja dhe mosreagimi”.

Soko sqaroi se në këtë rast nuk jemi duke folur për përfituesit e zakonshëm, kush ka marrë fonde nga IPARD që i ka përdorur për stalla apo ferma, sepse sipas tij ka pasur dhe projekte shumë të mira që nuk duhet të tremben, por aty brenda ka ca raste të disa njerëzve që janë shumë pranë pushtetit politik dhe mediatik.

“Këta njerëz janë mjaftueshëm të fortë. Një pjesë e tyre janë ata që përfliten si oligarkë. Pesha e këtyre njerëzve është ajo që e ka zvarritur këtë çështje dhe reagimi ka qenë ajo që ka acaruar partnerët.

Abuzimet janë kostot e fryra, ndryshimi i destinacionit që është dhe më e rënda dhe mashtrimi me dokumentet. SPAK heton të gjithë procesin që është i përbërë nga dy palë pasivët dhe aktivët, pra shteti dhe privatët. Emri i ministres është simboli i njeriut që ishte pesha politike dhe detyrimin për të mbajtur në kontroll situatës”.

Të fundit