Flash News
Flet Abazoviç: Pse Mali i Zi votoi kundër Kosovës në KiE
Pas arrestimit të Berberit, Rama emëron drejtorin e ri të Autoritetit Rrugor Shqiptar
Përfshihet në flakë një apartament te bulevardi ‘Zogu i Parë’ në Tiranë
Berisha: Ishim opozita e parë që kërkuam anëtarësimin në NATO pas rënies së komunizmit
Lirohet nga qelia ish-kryebashkiaku i Fushë Arrëzit, Fran Tuci
Kush qëlloi i pari? Prokurori i Elbasanit jep detaje për ngjarjen me një viktimë
Prokurori i Elbasanit, Alfred Shehu në një konferencë për median bashkë me Policinë e Shtetit ka dhënë detaje lidhur me ngjarjen që ndodhi dje, ku mbeti i vrarë Pjerin Xhuvani dhe u plagosën katër persona të tjerë. Ai tha se dinamika e ngjarjes është e ndërlikuar.
I pyetur nga mediat nëse e ka zbardhur prokuroria se kush nga grupet ka qëlluar i pari në ngjarjen e të mërkurës, prokurori theksoi se “detajet e hetimit janë sekret”.
“Aktualisht ju informoj se janë nxjerrë dy urdhra ndalimi për vrasje nga palë të ndryshme, çështjet e hetimit për momentin janë sekret”., u shpreh Shehu.
Ai tha se çështja është në hetim dhe se dinamika e hetimit është shumë e ndërlikuar në rastin konkret.
Prokurori theksoi se mes sendeve të sekuestruara, janë edhe telefona të personave të përfshirë në këtë ngjarje, ku mund të gjenden detaje që do hedhin dritë mbi situatën.
“Janë zbatuar urdhrat e ndalimit të prokurorëve, ngjarja ka ndodhur dje, janë sekuestruar shumë prova materiale gjatë kryerjes së hetimeve që do dërgohen në policinë shkencore, midis të cilave ka edhe telefona ku mund të ketë shumë të dhëna në lidhje me dinamikën e ngjarjes. Gjithë të ndaluarit janë të dyshuar për kryerjen e veprës penale, është hetimi që do sqarojë dinamikën e ngjarjes”, u shpreh më tej ai.
Prokurori tha se janë marrë në pyetje edhe efektivët e policisë që ishin prezent në momentin e krimit.
“Të gjithë dëshmitarët e mundshëm që janë shoqëruar midis të cilëve dhe punonjës të policisë së shtetit që kanë qenë në vendngjarje janë marrë në pyetje“, tha ai.