Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

E-TJERA

"Lëmoshë për fundvit", pensionistët: Tallje e qeverisë

Politiko 5 Dhjetor 2023, 11:11

"Lëmoshë për fundvit", pensionistët: Tallje e

Pensionistët kanë nisur të marrin bonusin prej 5 mijë lekësh të reja shpërblim nga qeveria, ndërsa e konsiderojnë të pamjaftueshëm.

Një e moshuar tha për MCN se tryezën e fundvitit do e organizojë me aq lekë sa do ngelen nga shpenzimet mujore.

“E mora pensionin dhe shpërblimin. 100 mijë marrë pension, 50 bonus. Çfarë do marrë më parë, kam një tufë ilaçe. Ilaçe do i marr, 60 mijë në muaj. I them çunit dhe gocës më ndihmo. Për natën e Vitit të Ri do më japë goca, kam vajzë në Greqi. 50 mijë lekëshi i qeverisë nuk është i mjaftueshëm”, u shpreh.

Ndërkohë një tjetër i moshuar tha se qeveria tallet me 50 mijë lekë të vjetra që iu japin.

“Këta tallen, asgjë nuk blejmë dot. S’besoj se do e blejmë gjelin e detit. Do i marrim ndonjë lekë borxh Edi Ramës. Më përzunë, nuk ka lekë. Hajde mbas orës 14.00 ose nesër në mëngjes më thanë”, tha i moshuari i intervistuar pranë një pike postare në kryeqytet.

Një grua e moshuar pohoi se arriti që ta marrë pensionin dhe bonusin, por se pjesa më e madhe e parave i shkon për ilaçe.

“Do blej ilaçet, tension, diabet, e kam 93 mijë lekë pensionin, me të keq ia dal. Te kalamajtë do e kaloj Vitin e Ri, se vetë s’bëj dot gjë vetë. Nuk e blej dot 50 mijë lekë një gjel, gjeli bën 70-80 mijë. Me plakun një pulë fshati dhe të na gjejë gëzuar”, deklaroi.

Të fundit