Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

E-TJERA

Logu: SPAK po e zvarrit dosjen McGonigal prej janarit 2023

Politiko 9 Shtator 2025, 20:04

Logu: SPAK po e zvarrit dosjen McGonigal prej janarit 2023

Juristi Marash Logu ka hedhur akuza të drejtpërdrejta ndaj SPAK lidhur me hetimet për dosjen McGonigal-Rama.

I ftuar në Syri tv, ai tha se SPAK po zvarritet prej më shumë se dy vitesh pa asnjë transparencë.

Logu shton se kallëzimi penal për këtë çështje është depozituar më 31 janar 2023, në bashkëpunim me Gazment Bardhin, ndërsa më vonë i janë dorëzuar prokurorisë edhe dokumente shtesë nga Kongresi Amerikan dhe Departamenti Amerikan i Drejtësisë.

Logu: Ne kemi depozituar një kallëzim penal më 31 janar të vitit 2023, së bashku me zotin Bardhi. Asokohe njiheshin një pjesë e fakteve të kësaj dosje dhe pastaj me kalimin e kohës janë bërë publike edhe faktet e tjera. Veçanërisht gjatë vitit 2023, nga fundi i nëntorit të vitit 2023 kemi vënë në dispozicion të SPAK edhe disa dokumente shtesë, për të vijuar më pas edhe me dokumente përfshirë edhe të Kongresit Amerikan që u publikua gjatë vitit 2024 dhe informacioni i fundit që vjen nga Departamenti amerikan i Drejtësisë.

Një pjesë e madhe e këtyre informacioneve janë publike dhe me të drejtë dikush thotë se SPAK vihet vet në dijeni apo në dispozicion të këtyre dokumenteve por më kujtohet që kur ne depozituam kallëzimin më 31 janar të vitit 2023, ne përmendin akt-padinë që e gjen lehtësisht në google. SPAK na bëri një kthim përgjigje ku na thoshte që ti vinim në dispozicion edhe akt padinë. Pra, na kërkonte ne që ti vinim në dispozicion diçka që mund ta gjeje në google por dhe në shumë faqe të tjera, sepse ishte publikuar gjerësisht edhe në faqe e media shqiptare, duke dëshmuar kështu në një farë mënyre mungesën e vullnetit dhe dëshirën për të hetuar këtë çështje.

Megjithatë pasi ne i vumë të gjitha dokumentet dhe informacionet që ne kishim në dispozicion, ka një procedim penal të regjistruar me numër 22 të datës 8 shkurt të vitit 2023, për të cilin kanë kaluar më shumë se dy vite dhe ne nuk kemi informacion të përditësuar se cila ka qenë ecuria apo procedimi me këtë procedim penal lidhur me këtë hetim.

Të fundit