All - Scripts - 4
All - Scripts - 5

Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës
Desktop - General - 1

E-TJERA

“Masat mbeten në fuqi”, Komiteti i Ekspertëve: Situata e qëndrueshme, por transmetueshmëria e lartë

Politiko 6 Janar 2021, 12:33
“Masat mbeten në fuqi”, Komiteti i Ekspertëve: Situata e
Foto Ilustruese
All - Paragraf - 1

Komiteti Teknik i Ekspertëve përmes një konference për mediet foli për situatën e dy javëve të fundit të Covid-19 në Shqipëri. Sipas ekspertëve gjendja mbetet e qëndrueshme, ndërsa bëjnë thirrje të mos neglizhohet kujdesi, pasi transmetueshmëria e virusit mbetet e lartë.

Drejtoresha e ISHP-së, Albana Fico deklaroi se “Transmetueshmëria është e lartë, duhet të kemi kujdes me zbatimin e masave. Duhet të respektojmë orën policore. Në dy  javët e fundit vendet më të prekura janë Gjirokastra, Tirana dhe Lezha. Situata për këto dy javë mbetet e qëndrueshme me zbritje të lehta që janë për t’u parë në vijimësi nuk ka vend për vetëkënaqësi, jemi në një situatë me transmetueshmëri të lartë. Jemi në pikën ku duhet të jemi tepër të kujdesshëm në zbatimin e masave, mbajtjen e maskës, ruajtjen e distancës dhe masat e tjera të përcaktuara”.

All - Paragraf - 3

Drejtuesja e Komitetit Teknik të Ekspertëve, Mira Rakacolli bëri me dije se do të vijë ora policore pas orës 22:00 dhe do të mbeten në fuqi masat e tjera. Ajo shtoi se ende nuk ka  të dhëna të plota për praninë e virusit anglez në Shqipëri. 

"Mendohet se kjo situatë e qëndruehsme është pasojë e masave të 2 javë të fundit, të vazhdojnë në fuqi ora policore pas orës 22:00, universiteti edhe 2 javë online dhe po kështu fluturimet me Britaninë e Madhe të mbeten të pezulluara deri në datën 18 janar", tha Rakacolli.

Kreu i Urgjencës Kombëtare Skënder Brataj tha se nga shpërthimi i pandemisë deri në fund të vitit 2020 në qendrën e Urgjencës janë regjistruar rreth 700 mijë thirrje.

“Qendra e urgjencës vazhdon të luajë rolin e vet, e filluam voton me forcimin e kapaciteteve më shumë, me 36 ambulanca të reja. Do të jenë në dispozicion të gjithë spitaleve. Është kryer një punë voluminoze. Rreth 700 mijë thirrje kanë ardhur nga shpërthimi i pandemisë deri në fund të vitit që lamë pas. Kjo sëmundje numrat më të mëdhenj të pacientëve trajtohen kryesisht në banesë. Ka një monitorim të shërbimeve. Do të jemi në dispozicion sepse i kemi burimet”, tha Brataj.

 

Të fundit