Flash News

E-TJERA

Mashtroi se ishte infermiere dhe mori 8 mln lekë, Prokuroria kërkon burg; Avokatët: Nuk është në gjendje të mirë psikologjike

Mashtroi se ishte infermiere dhe mori 8 mln lekë, Prokuroria kërkon
Tire Alldervishi sot gjatë seancës gjyqësore

Prokuroria e Tiranës ka kërkuar “arrest me burg” për sanitaren Tire Alldervishi. Kjo e fundit mashtroi se ishte infermiere në spitalin “Shefqet Ndroqi” dhe i mori vajzës së një prej pacienteve 8 milionë lekë.

Me kokën ulur ajo ka pritur vendimin, teksa prokuroria ka kërkuar masën “arrest me burg” me akuzën për mashtrim më shumë se një herë.

Avokatët e Tire Alldervishit kanë kërkuar një masë më të lehtë sigurimi në seancën e sotme, me afat 1-mujor.

Avokatet kanë deklaruar se klientja e tyre është në gjendje jo të mirë psikologjike dhe se ka qenë e prekur me COVID-19, teksa kanë paralajmëruar prova që japin një tjetër tablo.

“Ngjarja është e rende për opinionin publik. Do kërkojmë hetim të plotë. E mbrojtura prej nesh është në gjendje jo të mirë psikologjike. Ka qenë e prekur me COVID dhe gjendja shëndetësore nuk është e mirë. Kërkojmë një masë më të lehtë me afat 1-mujor. Do të sjellim prova që japin një tjetër tablo”, deklaruan avokatët.

Ajo u arrestua një ditë më parë. Pas denoncimit që u bë nga vajza e të ndjerës në emisionin investigativ “Stop”. Tire Alldervishi i është prezantuar si infermiere, shtetases E.S, ndërkohë që punonte si sanitare. Përmes mashtrimit ajo i ka zhvatur një shumë prej 8 milionë lekësh vajzes se re ne këmbim të shërbimit për nënën e saj të shtruar në spitalin “Shefqet Ndroqi”, e cila ka ndërruar jetë.

Ditari politik

Të fundit