Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

"923 viktima nga marsi në tetor", mjekët reagojnë ashpër ndaj Bashës: Nëse e thua sërish, do thërrasim prokurorinë

Politiko 20 Nëntor 2020, 10:58

"923 viktima nga marsi në tetor", mjekët reagojnë

Në foto: Drejtoresha e Spitalit Infektiv, Najada Çomo, e shoqëruar nga mjekët

Mjekët kanë kundërshtuar deklaratën e Bashës për fshehje të fataliteteve nga COVID-19.

Një ditë pas publikimit të dokumenteve nga kryedemokrati, që tregojnë se nga marsi e deri tani janë shënuar 923 viktima nga COVID-19 dhe jo 509 siç raporton autoriteti shëndetësor, mjekët e Infektivit shprehen me përgjegjësi të plotë se nuk janë fshehur shifrat nga virusi.

Bluzat e bardha apelojnë që t’i jepet fund praktikës së politizimit të vdekjeve, duke shtuar se akuzat godasin profesionalizmin e tyre.

Mjekët i bëjnë thirrje prokurorisë të nis hetimet në rast se një gjë e tillë përsëritet sërish.

"Shprehim publikisht habinë tonë për akuzat e bëra dje nga kreu i PD-së Lulzim Basha në një emision televiziv. Janë akuza tronditëse që vendosin në goditje profesionalizmin tonë si mjek por janë dhe goditje të befasishme të përpjekjeve tona më shumë se 9 mujore me COVID-19. Nuk duhej kurrësesi të arrihej deri këtu dhe nuk është aspak dëshira jonë që të merremi me deklarata publike, por përballë akuzash të tilla e kemi të domosdoshme të informojmë opinionin publik si vijon.

Nuk është kurrësesi e vërtetë që janë fshehur vdekjet nga COVID-19 dhe themi me përgjegjësi të plotë që kjo jo vetëm është praktikisht dhe teorikisht e pamundur. Çdo pacient që ndërron jetë, përcillet për në morg së bashku me kartelën shoqëruese. Kartela bashkëshoqëruese përmban dhe arsyen e vdekjes së qytetarit, firmosur dhe vulosur me përgjegjësi profesionale e ligjore nga mjeku që e ka trajtuar deri në momentin e fundit nga mjeku që ka konstatuar vdekjen e personit. Shkaku i vdekjes së një pacienti në spital nuk mund të përcaktohet as nga politikanët as nga kushdo qoftë përveç mjekut përkatës.

Kartelën bashkëshoqëruese të të ndjerit nuk e zëvendësojnë dhe as nuk e ndryshojnë dot deklaratat bombastike që vënë në pikëpyetje vetë humanizmin e autorëve të tyre në një kohë kaq të vështirë për njerëzit. Askush nuk mund ta ndryshojë dot shkakun e vdekjes dhe jo më pastaj një ekip i tërë mjekësh të parafytyrohej dhe akuzohet si i përfshirë në një monstruozitet me përmasat e deklaruara.

Gjithashtu bëjmë me dije se nëse kjo akuzë do të përsëritet, ne do të ftojmë organet kompetente të hetojnë duke bërë verifikimin e çdo kartele mjekësore. Nuk do të lejojmë kurrësesi pa adresuar me ballafaqim miqësor ose ligjor këtë cënim që na bëhet në dinjitetin tonë njerëzor dhe profesional. Duhet t'i jepet njëherë e mirë fund praktikës politike dhe mediatike të lojës me vdekjen që ka sjellë jo pak telashe në 30 vjet në jetën e bluzave të bardha.

Kjo dalje jashtë shinave të së vërtetës në këtë kohë janë tejet të rrezikshme. Në këtë kohë të vështirë kjo është gjëja e fundit që na shkon në mendje ndërkohë që krejt të kundërta duhet të jenë mesazhet e figurave publike të popullit", tha Çomo.

Kujtojmë se, kreu i Partisë Demokratike, Lulzim Basha, tha mbrëmjen e djeshme që ka një dokument nga morgu i Tiranës, i cili vërteton fshehjen prej autoriteteve të të vdekurve nga koronavirusi në spitalet e Tiranës.