Flash News

E-TJERA

Me 52.6 kg kanabis drejt Greqisë, arrestohet 45-vjeçari në Pogradec

Me 52.6 kg kanabis drejt Greqisë, arrestohet 45-vjeçari në

Një 45-vjeçar në Pogradec është vënë në pranga pasi dyshohet se do të trafikonte një sasi prej 52.6 kg lëndë narkotike kanabis drejt Greqisë.

Gjatë kontrollit të ushtruar në automjetin e tij tip "Benz", të cilin e kishte parkuar në oborrin e banesës, u gjetën 2 qese me 52.6 kg lëndë të dyshuar narkotike kanabis në total. 45-vjeçari, sipas policisë, e kishte siguruar lëndën narkotike nga shtetas të tjerë dhe më pas do ta trafikonte me automjetin e tij drejt Maqedonisë së Veriut, me destinacion final shtetin grek, kundrejt fitimit 500 euro/kg.

Në cilësinë e provës materiale u sekuestruan lënda narkotike, automjeti dhe një aparat celular.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

Të fundit