"Më tha të bëja një punë, i thashë nuk kam mundësi", zbardhet dëshmia e të plagosurit në Theth

Është zbardhur dëshmia e 47-vjeçarit G. N., që mbeti i plagosur me armë zjarri ditën e sotme në Theth.

Sipas Neës24, i plagosuri është konfliktuar me një banor të zonës për çështje banale. Sipas G.N., autori i kishte kërkuar që të bënte një punë, por ky i fundit e ka refuzuar duke i thënë që nuk mundet.

Autori ka qenë me një makinë dhe pas këtij momenti, sipas 47-vjeçarit, ai ka nxjerrë një armë tip automatik dhe e ka qëlluar vetëm një herë në këmbë dhe është larguar.

“Ka edhe më keq. Autori më kërkoi të bëja një punë. I thashë se nuk kam mundësi. E njoh autorin, është vendali. Më plagosi me automatik. Ngjarja ndodhi para 10 minutave. Ai ishte me makinë. Më gjuajti një herë”, thotë 47-vjeçari.

I plagosuri punonte si murator, dhe dyshohet se puna ka qenë pikërisht dhe arsyeja e kësaj plagosje. Ndërkohë policia ka bërë të mundur identifikimin e autorit dhe po punon për arrestimin e tij.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm