Mësoni 4 truket e frymëmarrjes

Një individ merr frymë mesatarisht në ditë për rreth 20 mijë herë, e megjithatë sërish ky proces ndodh të mos marrë vëmendjen e duhur, se sa thelbësore është në fakt jo vetëm për ekzistencën tonë, por edhe për mbarëvajtjen e aktivitetit të përditshëm.

Frymëmarrje

Doktor Paras Patel, në tregon se si ta përdorim fuqinë e mushkërive.

 “Kur marrim frymë, oksigjeni transportohet nga qelizat e kuqe të gjakut për të prodhuar energji në trup, dhe kur nxjerrim frymë, ne heqim dioksidin e karbonit. Imagjinoni të ecni në rrugë dhe diçka të kërcejë. Reagimi ynë parësor është të marrim frymë thellë, ëka përgatit trupin tonë për përgjigjen e aktivitetit në fjalë. Ndërsa pas një dite të gjatë, kur më në fund uleni, një nga reagimet tona të para trupore është nxjerrja e frymës, e cila përkon me një ndjenjë relaksimi.”

Megjithatë, përgjigjia jonë ndaj një ngjarje të papritur, mund të jetë më e shpejtë saqë përfundojmë duke marrë frymë shpejt. Dhe për ta ndryshuar këtë ne e kemi fuqinë, pasi mund të reduktojmë stresin, rrahjet e zemrës dhe presionin e gjakut në këtë proces.

Disa këshilla:

Mbajeni gojën e mbyllur!

Specialistë thonë se shumë prej nesh, me kalimin e viteve zhvillojmë një model frymëmarrjeje krejtësisht jofunksional, për shkak edhe të stresit apo traumave. Në këtë mënyrë përfundojmë duke marr frymë shpejt apo përmes gojës, ëka në fakt mund të ketë një ndikim negativ në shëndetin fizik dhe mendor.

Sipas tyre, sa më shpesh të mund ta kthejmë ritmin e frymëmarrjes së ngadaltë përmes hundës, aq më mir do të ishte për shëndetin

“Nivelet e stresit dhe inflamacionit mund të ulen dhe nivelet e energjisë mund të rriten. Frymëmarrja nga hunda do të ndihmojë në hapjen e rrugëve të frymëmarrjes, rritjen e rrjedhës së gjakut, promovimin e përdorimit më të mirë të diafragmës dhe rritjen e shpërndarjes së oksigjenit,” thotë trajneri i frymëmarrjes Jess Parkinson.

Për të lehtësuar panikun:

Përdorni frymëmarrjen 4-7-8, një mënyrë e thjeshtë dhe efektive për të reduktuar nivelet e stresit dhe ankthit.

Gjeni një pozicion të rehatshëm, ose ulur ose shtrirë. Merrni frymë thellë përmes hundës për katër sekonda; mbaj frymën për shtatë sekonda; pastaj nxirrni frymë ngadalë për tetë sekonda. Përsëriteni për disa minuta.

Për të fokusuar mendjen:

Përdorni frymëmarrje koherente – kjo ndihmon në balancimin e sistemeve nervore simpatike dhe parasimpatike që kontrollojnë pushimin dhe tretjen.

Frymemarrjee

Thjesht merrni frymë për një numërim prej katër, pastaj nxirreni sërish duke numëruar deri në katër.

Sigurohuni që të merrni frymë në një mënyrë të ndërlidhur, pa pauza midis thithjeve dhe nxjerrjeve. Vazhdoni këtë praktikë të frymëmarrjes për të paktën pesë minuta. Kjo do t’ju ndihmojë të përqendroheni nëse zbuloni nëse vijoni të mos prqëndroheni.

Për të rritur energjinë:

Përdorni një teknikë të frymëmarrjes së shpejtë.

Gjeni një pozicion të rehatshëm. Vendosini duart në pjesën e poshtme të barkut dhe merrni frymë ngadalë dhe thellë, duke u siguruar që të mbushni mushkëritë me oksigjen. Ju duhet të ndjeni se barku juaj zgjerohet ndërsa mushkëritë tuaja mbushen me ajër. Pasi të keni marrë  frymë, nxirreni me forcë, duke përdorur diafragmën tuaj për të shtyrë ajrin nga mushkëritë tuaja. Përsëriteni këtë për rreth një minutë.

Për të sjellë gjumin:

Përdorni një teknikë të frymëmarrjes të llojit ‘joga’, e cila mund të ndihmojë në relaksimin e mendjes.

Shtyjeni butësisht gishtin në hundën tuaj të djathtë për ta bllokuar atë dhe merrni frymë përmes vrimës së majtë të hundës. Pasi të keni thithur mjaftueshëm ajër e mushkëritë tuaja të jenë plot, bllokoni të dy vrimat e hundës dhe mbajeni frymën për aq kohë sa ndiheni rehat. Më pas, zhbllokoni vetëm vrimën e djathtë të hundës dhe nxirrni butësisht, duke zbrazur mushkëritë nga ajri.