Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

E-TJERA

Meta i përgjigjet Ramës: Ka kartelë të psikiatrisë që nga koha e komunizmit, në Vlorë do të më ketë 24 orë në 24

Politiko 10 Prill 2021, 19:13

Meta i përgjigjet Ramës: Ka kartelë të psikiatrisë

Presidenti Ilir Meta i është përgjigjur nga Vlora kryeministrit Rama, teksa ky i fundit gjatë një takimi me qytetarët vlonjatë ironizoi kreun e shtetit për takimin me drejtuesin politik të PD-së në Qarkun e Vlorës, Bujar Leskajn.

Gjatë një komunikimi me gazetarët, Meta tha se është shumë krenar që takohet me Bujar Leskajn edhe nëse ai është subjekt i OFL dhe shtoi se do të jetë në Vlorë 24 orë në 24 deri më 26 prill.

"Tani, ai përmend Bujar Leskajn, Leskaj është legjendë, institucion i Vlorës e gjithë Shqipërisë, sapo u ndava me të, e prap do takohem. Ai tmerrohet, se Leskajn se ble dot, nuk e korrupton dot. Ai është vite dritë larg Leskajt. Repsekton traditën , janë njerëz patriotë. Do e marrë mesazhin më 25 prill. Nëse ka emra të tjerë, unë do jem 24 orë në 24 në Vlorë, deri ë 26 prill. Ta ketë të qartë.

Kam ardhur natë e ditë, nëse Leskaj është subjekt i OFL, jam krenar. Ka denoncuar korrupsionin e kësaj qeverie. Vlora është krenare për të. Të tjerat nuk kanë vlerë. Z.Rama, z.Tërmet e qamet, janë të ftuar me mua këtu, për të bërë gjithçka transparente. S’ka shans vota e një vlonjati të preket. I them Ramës, tërmetit qametit, që mendon se do blejë Vlorën, dhe Vlora do votojë për vajzat e saj. Do votojë për ata që nuk lejojnë që Vlora të zëvendësojë të rinjtë me bangladeshasit e këtij sorrës."- tha Meta.

Presidenti shtoi se Rama ka një kartelë psikiatrie që nga koha e komunizmit dhe do e tregojë më 25 prill dhe sipas tij, Vlora do të bëjë më të mirën për t’ia trajtuar në spitalin e saj psikiatrik

“Në 26 prill, jam i sigurt që Vlora do të bëjë më të mirën për t’ia trajtuar në spitalin e saj psikiatrik, nuk është ky shqetësimi, por shqetësimi është të paralajmëroj Damianin që keqpërdoret dhe nuk erdhi mbrëmë në darkën që kishim me gazetarët e Vlorës, ku u ftua të ishte pjesë për të diskutuar për mbarëvajtjen e fushatës elektorale në Vlorë. Kryeministri në detyrë ka një kartelë të psikiatrisë, që nga koha e komunizmit, të cilën ua kam thënë para disa a ditësh dhe do ua them në Vlorë, më 25 prill në Vlorë, ku shqiptarët të tregojnë ai do të tregojë kartelën. Por Damiani s’ka kartë mjekësore të tillë. Kështu të bëjnë kujdes dhe të mos e rëndojnë pozitën e tyre para sovranit. Në Vlorë do të jem nga sot deri më 25 prill. Do të jem ditën dhe natën, siç kam ftuar edhe mbrëmë Damianin, ftoj dhe Edi Ramën nëse ka shqetësim apo merak, këtu më ka mua, për të mbrojtur zgjedhjet e lira. Kujton tërmeti që në Vlorë do të bëjë ato ç’kanë bërë në Dibër dhe Shijak, zot na ruaj se Vlora bën Fora dhe dora e Vlorës është e pa mëshirshme”, tha Meta

Të fundit