Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

E-TJERA

Ndryshon ora policore dhe rinisin fluturimet me Britaninë e Madhe, kur hyjnë në fuqi masat e reja anti-Covid

Politiko 11 Prill 2021, 12:25
Ndryshon ora policore dhe rinisin fluturimet me Britaninë e Madhe, kur
Komiteti Teknik i Ekspertëve

Komiteti Teknik i Ekspertëve ka vendosur që të ndryshojë orën policore, duke e zgjatur deri në orën 22.00. Edhe aktivitetet si dyqanet, baret, restorantet dhe qendrat tregtare do të zhvillojnë punën e tyre deri në orën 22.00.

Një tjetër masë që u mor nga ekspertët është edhe rinisja e fluturimeve me Britaninë e Madhe, të cilat ishin të bllokuara që prej evidentimit të variantit të ri dhe përkeqësimit të situatës epidemiologjike atje.

Këto masa do të hyjnë në fuqi nga dita e nesërme. Ndërkohë masat e tjera të vendosura në kuadër të pandemisë do të mbeten në fuqi. Ishte ministrja e Shëndetësisë Ogerta Manastirliu që bëri me dije masat e reja.

"Në vlerësim të situatës së 6 javëve të fundit, Komiteti Teknik i Ekspertëve ka vendosur zgjatjen e orës së qarkullimit të qytetarëve deri në orën 22:00 të mbrëmjes, duke filluar nga dita e nesërme, datë 12 Prill. Po kështu, aktivitetin e bareve dhe restoranteve do të jenë të hapura deri në orën 22:00. Do të vijojë të mbeten në fuqi të gjitha masat e orës police nga ora 22:00- 06:00 të mengjesit.

Gjithashtu duke marrë në konsideratë përmirësimin e ndjeshëm të situatës së epidemisë në Mbretërinë e Bashkuar, një shtet i cili ka pasur një ecuri shembullore sa i përket vaksinimit, Komiteti Teknik i Ekspertëve ka propozuar rihapjen e fluturimeve me këtë shtet", deklaroi Manastirliu.

Ajo foli edhe situatën epidemiologjike, të cilën e vlerësoi të qëndrushme. Gjithashtu bëri thirrje që të mos ulet vigjilenca. Manastirliu tha se ka rënë ndjeshëm numri i të shtruarëve në spitalet covid.

"Situata epidemiologjike paraqitet e qëndrueshme, me tendencë në rënie të incidencës dhe kjo është vënë re nga java e tretë e Marsit dhe në vijim. Rënie është vënë re edhe sa i takon përqindjes së pozitivitetit të rasteve të reja, ku gjatë javëve të fundit ka rënë deri në 12%. Rënia shënohet edhe në shtrimet në spitale. Prej 4 ditësh nuk ka pacientë në spitalin covid 4", tha Manastirliu.

Duke folur për procesin e vaksinimit, ajo tha se sot ka vijuar vaksinimi i moshave mbi 65 vjeç dhe ditë e hënë nis për personat mbi 60 vjeç. Vendimet e Komitetit Teknik të Ekspertëve do të jenë në fuqi për dy javët e ardhshme.

Të fundit