Flash News

Aksident në Durrës, makinë përplas skuterin me dy 13-vjeçarë

Atentati në Lundër/ Gjendet motomjet i djegur që dyshohet se u përdor nga autorët

Ra nga lartësia në kantierin e aeroportit të Vlorës, humb jetën punëtori

SPAK lëshon 3 urdhër arreste për shefin e qarkullimit Rrugor në Tiranë dhe 2 zyrtarë të tjerë të policisë

Atentati ndaj 4 të rinjve në Lundër, plumbat prekën edhe një “Ford”

E-TJERA

Në kërkim për ngjarjen në Krujë, kush është djali i deputetit i PS dhe telashet e tij me drejtësinë

Politiko 7 Korrik 2023, 21:47

Në kërkim për ngjarjen në Krujë, kush është

Rexhep Rraja djali i deputetit të Partisë Socialiste Rrahman Rraja, i shpallur në kërkim për ngjarjen brutale të ndodhur dje në Krujë nuk është një emër i panjohur për policinë.

Disa vite më parë ai u përfshi në një çështje të bujshme, pasi akuzohej se kishte përndjekur dhe dhunuar vazhdimisht ish të dashurën e tij Xhisiela Maloku.

Në hetimin e këtij rasti Prokuroria mori dhe raportin e mjekut ligjor ku rezultonte se Xhisiela Maloklu kishte dëmtimin në trup.

Më pas ajo e fundit tërhoqi denoncimet duke theksuar se e kishte bërë gjithçka nga xhelozia ndaj ish partnerit të saj.

Rexhep Rraja u arrestua më 30 shtator 2018, për t’u liruar tre muaj më pas pasi fitoi lirinë me kusht.

Njoftimi i policisë:

Në vazhdim të veprimeve hetimore në lidhje me ngjarjen e ndodhur me datë 06.07.2023, ku në një lokal në aksin rrugor Fushë Krujë-Thumanë, një grup personash kanë goditur me sende të forta shtetasit B. M., dhe J. M., Policia e Shtetit ka ndaluar 4 persona dhe ka shpallur në kërkim 3 të tjerë.

Në vijim të veprimeve hetimore është identifikuar dhe shtetasi R. Rr., për të cilin janë dërguar materialet pranë Prokurorisë së Gjykatës së Shkallës së Parë të Juridiksionit të Përgjithshëm Tiranë.

Shtetasi R. Rr., është shpallur në kërkim policor dhe vijon puna nga shërbimet e Policisë, për lokalizimin dhe kapjen e tij.
Vazhdon puna për identifikimin e personave të tjerë të përfshirë në këtë ngjarje.

 

Të fundit