Nga Elsa Lila te Liljana Kondakçi dhe Zhusti/ Artistët shqiptarë të dënuar për trafik droge

Këngëtarja Elsa Lila u arrestua sot në Itali si pjesë e një grupi narkotrafikantësh italo-shqiptar. Mësohet se ndaj Lilës është lëshuar një urdhër arresti si e dyshuar në përfshirjen e trafikut të drogës.

Megjithatë, Elsa Lila nuk është e vetmja artiste shqiptare e arrestuar si e përfshirë në trafikimin e lëndëve narkotike.

Liljana Kondakçi

Artistja u arrestua në Selanik të Greqisë, në vitin 2010 për llogari të shtetit italian. Kondakçi ndihmonte në trafikimin e drogës duke iu shpëtuar patrullave të kontrollit, me argumentin se ajo ishte këngëtare.

Këngëtarja shqiptare i pati ‘krisjet’ e para me drejtësinë italiane në vitin 2006 kur u ndalua në një stacion hekurudhor duke transportuar 3 kg heroinë. Liljana njihej në Itali me nofkën “mamaja” e thirrur kështu nga banda për të cilën punonte.

Dyshohej se banda e trafikantëve përbëhej nga 20 anëtarë. Liljana Kondakçi u lirua nga burgu në 2013 dhe i rikthye në Shqipëri.

Koço Devole

I ndjeri Koço Devole, u kap me drogë në Itali. Sasia e lëndës ishte e fshehur në valixhen e aktorit, i cili u arrestua bashkë me tre shqiptarë të tjerë në Bari të Italisë. Asokohe, Devole deklaroi para autoriteteve italiane se nuk kishte lidhje me tre të arrestuari për drogë dhe se ndodhej rastësisht me ta.

Devole qëndroi asokohe 7 muaj e gjysmë në burg dhe më pas u lirua.

Viktor Zhusti

Aktori u arrestua në Greqi në vitin 1998, me një sasi prej 11 kg heroinë me vete. husti u dënua me 18 vite burg, dënim të ciline kreu në burgun “Hanja”.