Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Nga rrëmbimi dhe grabitjet te sulmi me kaçavidë/ Kush është ‘Esko’, shqiptari që u plagos dje në Athinë

Politiko 28 Shtator 2022, 09:59

Nga rrëmbimi dhe grabitjet te sulmi me kaçavidë/ Kush

Mediat greke kanë zbardhur detaje të reja nga operacioni në Universitetin Politeknik të Athinës “Aografou”, ku përveç 22 eksponentëve të krimit, në pranga ra edhe 30-vjeçari shqiptar Esmin Ferhati.

‘Prothothema’ raporton se 30-vjeçari shqiptar, i njohur në Athinë me nofkën “Esko”, jetonte prej katër vitesh në konviktet e universitetit, të cilat ishin kthyer në një bazë për banditët shqiptarë.

Banda e shqiptarëve që qarkullonte me një “Mercedes”, paguante 100 euro në muaj për çdo dhomë mirëpo nuk paguanin energji dhe ujë, ndërsa në rrjetet sociale ekspozoheshin duke treguar sesi shijonin jetën e luksit me para të fituara nga grabitjet dhe shitja e drogës.

“Esko” e kishte shtrirë aktivitetin e tij kriminal edhe në një fushë tjetër. Sipas mediave ai akuzohet për rrëmbimin e një fëmije të mitur dhe djalin e një gazetari në maj të vitit 2019, të cilin e mbante të fshehur pikërisht në godinën ku u arrestua, ndërsa grupi i tij shkoi në shtëpinë e të atit të të rrëmbyerit, në Pagrati për ta grabitur.

Edhe pse në kërkim për 5 çështje penale, 30-vjeçari nuk ishte arrestuar asnjëherë dhe s’kishte kaluar asnjë ditë në burg, ndërsa jetonte i qetë me partneren e tij dhe fëmijën e tyre të porsalindur, vëllain “Erko” dhe të paktën 10 kriminelë të tjerë shqiptarë e grekë.

Brenda banesave vepronin në dy-tre grupe të ndryshme dhe me azilin e siguruar nga zona dilnin vetëm për të grabitur banka, supermarkete dhe për të shitur drogë. Studentëve që kërkuan shpjegim për dhomat që ishin të zëna, drejtuesit iu përgjigjën se ato nuk funksionojnë dhe se duhen rinovuar, duke u hedhur hi syve.

Kreu i madh i bandës së Universitetit Politeknik konsiderohet të jetë 30-vjeçari “Esko”. Ky u përfshi në paligjshmëri nga xhaxhai i tij, i dënuar me burgim të përjetshëm, sepse vrau një burrë dhe më pas u arratis nga burgjet e Nafplionit. “Esko” akuzohet për pesë vepra penale. E para ka të bëjë me rrëmbimin e djalit 17-vjeçar të një gazetari më 11 maj 2019. Grupi i banditëve rrëmbeu të miturin nga zona e Zografou teksa po kthehej në shtëpinë e tij në Pagrati.

Aty fëmija u mbajt peng për shumë orë në duart e grabitësve shqiptarë, të cilët pasi morën çelësat e shtëpisë, e vizituan për të plaçkitur. Në momentin e sulmit ishin të pranishëm prindërit dhe vëllai i tij i vogël. Gazetari, në tentativë për të mbrojtur familjen e tij, është përfshirë me ta, për pasojë banditët e kanë rrahur dhe e kanë plagosur lehtë me thikë.

Tetë muaj më vonë, autoritetet arritën të vënë në pranga një nga autorët, ndërsa pjesa tjetër mbeti e zhdukur, me vlerësimin e policisë se ata kishin gjetur strehim në vendlindje. Në fund duket se “Esko” nuk e kishte “trokitur” në Shqipëri, por kishte gjetur strehë në shtëpinë e vjetër të Universitetit Politeknik.

Aktakuza e radhës ka të bëjë me sekuestrimin e pajisjeve të Universitetit të Athinës, mbi 300 mijë euro, dy akuzat e tjera për grabitje dhe trafik droge, ndërsa e fundit për vjedhje serike në dyqane në një qendër të madhe tregtare në periferinë veriore.