Flash News

I ra tenda e kalçetos në Sarandë, ndërron jetë në spital 22-vjeçari

Të shtëna me armë gjatë paradës së 4 korrikut në SHBA, raportohet për të vdekur

Ulen infektimet, por shënohen dy humbje jete nga Covid-19 në vend

Shtyhet seanca për “Babalen”, Salianji: Nuk ka pasur vepër penale, bëra një denoncim

Të shtëna me armë në plazhin e Radhimës, dyshohet për të plagosur

E-TJERA

Ngrihet Aleanca për Mbrojtjen e Butrintit, kërkohet transparencë nga qeveria: Po shfrytëzohet për para

Politiko 21 Maj 2022, 20:10

Ngrihet Aleanca për Mbrojtjen e Butrintit, kërkohet transparencë

Një grup studiuesish dhe ekspertësh të historisë dhe arkeologjisë zhvilluan sot një tryezë diskutimi ku shpallën edhe krijimin e Aleancës për Mbrojtjen e Butrintit, pas planit për menaxhim që qeveria ka nënshkruar me Fondin Shqiptaro-Amerikan të Zhvillimit.

Në tryezën e diskutimit, anëtarët e AMB njëzëri garantuan se do të bëjnë çdo përpjekje për të ruajtur vlerën kombëtare të vendit tonë dhe një nga zonat më të rëndësishme të historisë së trashëgimisë kulturore.

Arkeologu Neritak Ceka tha se e gjitha po bëhet me qëllim përfitimin e parave. “E di kush është fondacioni i vërtetë soit që do marrë Butrintin nesër? Janë këta 5 vetë”, tha Ceka.

Ndërsa gazetari Aulon Kalaja kërkoi që të bëhet vlerësimi nga afër teksa propozoi dy udhëtime një në Sarandë e një në Butrint, për të denoncuar nga vendi atë se çka po ndodh me Parkun Kombëtar.

“Unë gjykoj të bëjmë një takim në Sarandë dhe një udhëtim drejt Butrintit për të denoncuar nga vendi se si po kafshohet Butrinti dhe çfarë po ndodh me Butrintin”, tha Kalaja.

Aleanca kërkoi transparencë nga ana e qeverisë teksa pohoi se nuk është marrë asnjë mendim nga ekspertë madje nuk janë zhvilluar as dëgjesa publike në kuadër të plan-menaxhimit.

Qeveria miratoi një marrëveshje me Fondacionin Shqiptaro- Amerikan të Zhvillimit për menaxhimin e Parkut Kombëtar të Butrintit në 10 vitet e ardhshme, sipas një plani, që parashikon mbrojtjen e Parkut dhe financimin nga AADF 5 milionë dollarë për këtë qëllim.

Të fundit