Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Një ditë pas krimit të dyfishtë, flasin familjarët e çiftit Rrasa: Nga fukarallëku me siguri

Politiko 19 Shtator 2021, 11:30

Një ditë pas krimit të dyfishtë, flasin familjarët e

Mbrëmjen e kaluar, Hekuran Rrasa qëlloi për vdekje gruan e tij Fëllënxa Rrasa dhe më pas vrau veten. Ata kanë lënë pas vetëm një djalë, Leonard Rrasa, 21 vjeç. Një ditë pas krimit të dyfishtë që tronditi Divjakën, kanë folur të afërmit dhe familjarët e çiftit Rrasa.

Ata kanë treguar se dyshja jetonin në kushte të vështira ekonomike, por sipas tyre, se kjo ishte diçka që nuk e prisnin. Një e afërme tjetër thotë se më shumë i vjen keq për 45-vjeçaren sesa për Hekuranin. Ajo shton se e ndjera kishte mbajtur vjehrrën për një vit e gjysmë në shtrat dhe ishte kujdesur për të.

Deklaratat e të afërmve për Fax News:

I afërmi 1: Hekurani ishte në punë në bashki. Jemi habitur. Nuk dimë asgjë. Unë e di që nuk ka pasur armë. Ai paska pasur një armë gjahu. Kjo ishte bashkëshortja e dytë. U tronditëm se ishte e pabesueshme. Ku ndodhi, si ndodhi. Unë i kam krushq këta. Kam dhënë motrën te fisi i këtyre. Nuk kishim dëgjuar ndonjë llaf.

I afërmi 2: Ne jemi kushërinj me të. Ta lavdëroj se lavdëroj dot. Ta shaj se shaj dot. E dinë vetë ata. Janë mbyllur të gjitha hallet që kanë pasur. Ne e kemi shtëpinë andej, çfarë u ndodhi i mbylli vetë hesapet e veta ai.

I afërmi 3: Nuk dimë asgjë. E kemi mik. Familja jetonte në kushte skandaloze. Rreth dy vite punonte në bashki. Merreshin me blegtori dhe ato u prishën. Unë e kam krushk. E kam kunatë të motrën.

E afërmja: Më shumë më dhimbset ajo se ai. Pati vjehrrën deri tani, një vit e gjysëm e mbajti në dyshek dhe e kishte xixë. Unë them nga fukarallëku. Ne na tha çuni, e kishte parë në internet. E kam vëllanë e kunatës. Burrat vëllezër. Zonja nuk punonte. Kishte lopë, merrej me blegtori.

I afërmi tjetër: Kjo ishte gruaja e dytë, njërën e la ai…më duket se e ka lënë me dy djem, ajo s’është martuar më pas atij.

Të fundit