Një muaj pas rikthimit nga kapi i "ferrit", Antiterrori merr në pyetje Floresha Rashën

Foto Ilustruese/ Floresha Rasha në Rinas pas kthimit nga Al Hawl

Rreth një muaj pas rikthimit nga kampi Al Hol, agjentët e Antiterrorit kanë marrë në pyetje Floresha Rashën.

Mësohet se, Rasha është marrë në pyetje në cilësinë e dëshmitares për të verifikuar të gjitha detajet e udhëtimit 7 vite më parë nga Shqipëria në Siri.

Po ashtu, këtë herë janë marrë në pyetje edhe fëmijët në praninë e një psikologu.

Kujtojmë se, Floresha Rasha së bashku me tre fëmijët e saj, Amar, Emel dhe Hatixhe Rasha, u kthye më 27 tetor në Shqipëri falë një operacioni shpëtimi.

Ajo dhe bashkëshorti i saj, Diamant Rasha, ishin shpërngulur në Siri, ku jetonin në kamp së bashku me fëmijët që nga 2014. Diamant Rasha mbeti i vrarë gjatë luftimeve, pasi iu bashkua celulës terroriste të ISIS.

Ndërkaq, kjo është hera e dytë që Floresha Rasha thirret për t’u pyetur rreth emigrimit të saj në Siri dhe jetës atje. Me 28 tetor, një ditë pas mbërritjes në Shqipëri, Rasha u nga SPAK, për të zbuluar nëse është përfshirë ose jo në akte terrori gjatë 7 viteve jetesë në Al-Hol.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm