Flash News

Aksident në aksin Lezhë-Shëngjin, një i plagosur

Ndezi zjarr në mënyrë të përsëritur, arrestohet "piromani" në Vlorë (EMRI)

Përplasen tre makina në Tiranë, njëra prej tyre përfshihet nga flakët

Abuzoi me vajzën e tij të mitur, ky është 36-vjeçari i vënë në pranga në Fier

E rëndë në Fier! Babai abuzon se*sualisht me vajzën e tij të mitur

E-TJERA

"Njoftoni DEA-n", Abilekaj: Ndërkombëtarët nuk i besojnë institucioneve tona

Politiko 22 Maj 2025, 22:30

"Njoftoni DEA-n", Abilekaj: Ndërkombëtarët nuk i

 Ambasada e SHBA-ve u ka bërë thirrje qytetarëve shqiptarë që të njoftojnë direkt DEA-n nëse kanë informacione për trafik droge, duke e nxjerr “jashtë loje” SPAK.

Sakaq, gazetari Enton Abilekaj ka ngritur alarmin për rolin e dobët të shtetit shqiptar në luftën kundër krimit të organizuar dhe trafikut të drogës, duke theksuar se institucione ndërkombëtare si DEA dhe prokuroria italiane nuk kërkojnë më bashkëpunimin e qeverisë, por i drejtohen qytetarëve.

“Ne po flasim për një ngjarje kriminale dhe po themi çfarë roli ka shteti shqiptar këtu,” tha Abilekaj në Syri tv.

Ai theksoi se nuk po fliste me konkluzione apo deduksione personale, por sipas mënyrës se si e shohin situatën partnerët ndërkombëtarë.

Duke iu referuar një deklarate të prokurorit të Barit, Abilekaj tha se “në Shqipëri hyjnë tonelata me kokainë dhe që mafia shqiptare është një rrezik ndërkombëtar”. Sipas tij, prokurori italian nuk i kërkoi ndihmë qeverisë shqiptare, por qytetarëve, që të bëjnë gjithçka të mundur për të luftuar mafian.

Më tej, gazetari theksoi se edhe DEA, vetëm një orë më vonë, publikoi një njoftim ku u kërkonte qytetarëve që të raportojnë rastet e trafikut të drogës drejtpërdrejt te agjencia amerikane, duke anashkaluar policinë dhe prokurorinë shqiptare.

Abilekaj: Ne po flasim për një ngjarje kriminale dhe po themi çfarë roli ka shteti shqiptar këtu.

Unë nuk dua të flas as me konkluzione, as me deduksione, por dua të flas me gjuhën e italianëve dhe amerikanëve. Si e shohin ata Shqipërinë në këtë rast.
Prokurori i Barit deklaroi që në Shqipëri hyjnë tonelata me kokainë dhe që mafia shqiptare është mafia që kalon kufijtë shqiptarë si rrezik, është një rrezik ndërkombëtar, dhe i kërkoi gjithë shqiptarëve, jo qeverisë, të gjithë shqiptarëve, që të bëjnë ç’është e mundur për të luftuar mafian.
Këtë e tha prokurori i Barit.
Nga ana tjetër, një orë më vonë, DEA nxjerr një postim dhe thotë: na njoftoni ne direkt në numrat tanë. Riposton njoftimin që thotë: na njoftoni ne direkt, mos shkoni as te policia shqiptare as te prokuroria shqiptare, na njoftoni ne direkt, këta janë numrat tanë, ju faleminderit për të dhënat e deritanishme për luftën kundër drogës.
Domethënë nga 2 institucione që janë profesionale, që merren me këtë çështje, asnjëri prej tyre nuk ju drejtua qeverisë shqiptare, dhe nuk falënderoi qeverinë shqiptare, askush nuk kërkoi ndihmën e qeverisë shqiptare apo organeve të drejtësisë shqiptare, por kërkuan ndihmën e popullit shqiptar për të luftuar krimin e organizuar në Shqipëri dhe pikërisht atë krim të organizuar që merret me trafikun e drogës.

Ne këto i dimë, por kur na vijnë dhe na thonë ata që: ore ka arritur kulmi, nuk ka ku të shkojë më, nuk ka kush ta luftojë këtë nëqoftëse se luftojnë qytetarët shqiptarë, atëherë jemi në kushtet e Palermos së viteve ’80.
DEA dhe policia italiane po i bëjnë thirrje qytetarëve, jo policisë, jo qeverisë, sepse qeveria bën atë që e merr fletën e arrestit në shkurt, i gjen një vend që mos ta gjejnë dot personin që duhet të arrestohet dhe na del sot me një deklaratë, me një shpallje, për një fitore të madhe, për një operacion gjigand, u çmontua një bandë, që nuk u çmontua fare, që vazhdon aktivitetin e tyre.

Për të mos folur pastaj që Shqipëria është vendi, e gjithë ekonomia shqiptare është ndërtuar posaçërisht për pastrimin e parave të drogës.

Të fundit