Flash News

Gjendet i pajetë 71-vjeçari nga Kamenica, ishte shpallur i humbur prej tre ditësh

Aksident tragjik në Autostradën “Ibrahim Rugova”, humb jetën një grua nga Fushë-Kruja

Drejtësia amniston Xhaçkën, Apeli i Posaçëm vendosë të mos hetojë ish-ministren

Berisha vlerëson raportin e OSBE: I kanë rrëzuar përtokë zgjedhjet

Gjykata e Lartë kthen për rigjykim ankimimin e Arbër Veliajt

E-TJERA

Njohja e patentave në Gjermani, sa para kursejnë shqiptarët

Politiko 15 Shkurt 2022, 13:12

Njohja e patentave në Gjermani, sa para kursejnë shqiptarët

Qeveria gjermane votoi pak ditë më parë njohjen e patentave shqiptare në Gjermani.

Kreu i DPSHTRR, Blendi Gonxhe tha për “Breaking” se vendimi që mori qeveria gjermane ishte i vështirë, dhe në vetvete është një proces që ka kërkuar shumë kohë dhe kërkesa. Ai tha se më 11 ose 12 prill do të bëhet firmosja teknike për ta zbatuar.

“Ishte shumë e vështirë që Gjermania ta bënte këtë hap. Është vendi lider përsa i përket sigurisë së qarkullimit. Po mos të kishte qenë vizita nga afër në Shqipëri dhe transformimi në këtë sektor në vendin tonë, nuk do ndërmerrej një hap i tillë. Më parë as nuk mendohej të flitej me ta, madje dhe në 2011 refuzuan të vinin. Por kur rezistuam aq shumë dhe këmbëngulëm që të vinin këtu, dhe kur panë se sa mirë ishim, atëherë vendosën të ndryshonin mendim. Kemi rënë dakord për çdo verifikm, për të gjitha modalitetet.  Më 11 ose 12 prill do të bëhet firmosja teknike për ta zbatuar. Patenta AM është për një lloj motoçiklete, që ka 300-400 në Shqipëri, është një gjë që nuk i duhet askujt pothuajse,” tha Gonxhe.

Pajisja e shqiptarëve me patentë në Gjermani, Gonxhe tha se do t’iu kushtonte të paktën 2300-7500 euro, ndërsa me vendimin e ri kostoja minimizohet.

“Një shqiptari do duhet të bënte një kurs zyrtar që t’i njihej gjuha, pastaj do të duhej të bente kursin bazik për patentën e më pas të gjithë kategoritë me radhë. Për më tepër duhet t’i shkëpuste nga aktivitetet dhe punët e tyre. Shqiptarëve do u kushtonte 2300-7500 euro,” tha Gonxhe.

 

Të fundit