Pamje nga aksidenti tragjik me 4 viktima në Rrugën e Kombit, zbardhen detaje të reja

Zbardhen detaje të reja nga aksidenti tragjik i shënuar pasditen e sotme në Rrugën e Kombit, ku për pasojë humbën jetën 4 persona, anëtarë të një familje nga Kosova, ndërsa fëmija i tyre 5 vjeç është i plagosur dhe është nisur drejt spitalit të Traumës në Tiranë.

Siç duket nga fotot nga vendi i ngjarjes, një kamion i tonazhit të rëndë, i cili kishte si destinacion Kosovën, ka përplasur makinën tip Citroën, të familjes nga Kosova, e cila ishte nisur drejt Shqipërisë.

Përplasja ka qenë mjaft e fortë, pasi mjeti i familjes nga Kosova është dëmtuar tërësisht, duke shkaktuar vdekjen e 4 anëtarëve të familjes.  

“Në Aksin Rrugor Rrëshen Rubik, Rruga e Kombit, te karburant “Toma”, ka ndodhur një aksident rrugor midis mjeteve Citroen dhe mjeti kamjon ku si pasojë e aksidentit dyshohet per 4 viktima. Grupi hetimor dhe Shërbimi Zjarrfikës ndodhen në vendngjarje“, thuhet në njoftimin e Policisë së Lezhes.

Përplasja ka qenë mjaft e fortë, pasi mjeti i familjes nga Kosova është dëmtuar tërësisht, duke shkaktuar vdekjen e 4 anëtarëve të familjes.  

Shkak për aksidentin e rëndë dyshohet se është bërë shpejtësia dhe parakalimi i gabuar i mjeteve, si dhe lagështira në rrugë për shkak të reshjeve të fundit.