Aksident tragjik në Rrugën e Kombit, humbin jetën 4 persona, anëtarë të një familje nga Kosova

Një aksident tragjik është shënuar në orët e pasdites në aksin Milot-Rrëshen në Rrugën e Kombit.

Katër persona kanë humbur jetën, ndërsa një tjetër mbeti i plagosur, të gjithë anëtarë të një familje nga Kosova. Makina e familjes kosovare, tip 'Citroen' është përplasur me një kamion, e për pasojë, katër persona, mes tyre dy fëmijë të mitur kanë humbur jetën, ndërsa e mbijetuara e vetme është një vajzë 3-vjeçare, e cila është nën kujdesin e mjekëve në spitalin e Traumës në Tiranë.

Mësohet se viktimat janë Blerim Avdiaj 51 vjec, gruaja e tij Anjeza Avdiaj 34 vjece dhe fëmija Medina Avdiaj 6 vjeç.

Po ashtu, ka ndërruar jetë edhe K. Koçi11 vjeç, i afërm i Blerim Avdiajt.

Mësohet se burrë e grua kanë ndërruar jetë në vend, ndërsa dy fëmijët kanë ndërruar jetë rrugës për në spital.

Përplasja ka qenë mjaft e fortë, pasi mjeti i familjes nga Kosova është dëmtuar tërësisht, duke shkaktuar vdekjen e 4 anëtarëve të familjes.  

Shkak për aksidentin e rëndë dyshohet se është bërë shpejtësia dhe parakalimi i gabuar i mjeteve, si dhe lagështira në rrugë për shkak të reshjeve të fundit.

“Në Aksin Rrugor Rrëshen Rubik, Rruga e Kombit, te karburant “Toma”, ka ndodhur një aksident rrugor midis mjeteve Citroen dhe mjeti kamjon ku si pasojë e aksidentit dyshohet per 4 viktima. Grupi hetimor dhe Shërbimi Zjarrfikës ndodhen në vendngjarje“, thuhet në njoftimin e Policisë së Lezhes.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm