Në anën e shqiptarëve apo të imazhit personal, si e përdori Rama debatin me Farage

Debati mes kryeministri Edi Rama dhe debutetit britanik, Nigel Farage nisi si një përplasje publike mbi emigracionin dhe kriminalitetin shqiptar në Britani, por shkaktoi jehonë mediatike të gjerë. 

Debati mes tyre e u ndez pas deklaratas së Farage teksa ishte i ftuar në GB News, ku ai pretendoi se “1 në 50 shqiptarë në Britani janë në burg”.

Ai shtoi se Shqipëria duhet t’i “marrë mbrapsht të gjithë kriminelët e saj,” duke e kthyer çështjen në një sulm të drejtpërdrejtë ndaj emigrantëve shqiptarë.

Kjo deklaratë u bë menjëherë virale dhe provokoi edhe reagimin nga shefii qeveriesë Rama, i cili e cilësoi pretendimin si “një absurditet post-Brexit dhe një mashtrim të qëllimshëm”.

Ai publikoi një deklaratë publike ku sfidoi Farage-in të sjellë prova konkrete për këtë statistikë dhe premtoi se, nëse ajo rezulton e saktë do të angazhohet për të kthyer të gjithë shqiptarët e burgosur në Britani.

“Oops… Zoti Nigel Farage më sfidoi me fakte! Çfarë nderi – për një ‘gjigant’ siç më përshkroi (duke nënkuptuar, sigurisht, nga një ‘vend i vogël’) – të tërheq vëmendjen e virtuozit të pashoq të politikës britanike të titujve.

Nëse pretendimi yt është i vërtetë, unë angazhohem të kthej të gjithë shqiptarët e burgosur në Britani. Por nëse është i pavërtetë, të ftoj si mik nderi në Shqipëri – për diell të vërtetë, mikpritje të vërtetë dhe fakte të vërteta", shkroi Rama në X në një postim në 27 qershor. 

Farage, nga ana tjetë mbajti ti njëjtin qendrim duke thënë: “Do të kërkoj që të gjithë këta të burgosur të kthehen në Shqipëri. Faleminderit për bashkëpunimin.”

Rama gjithashtu kundërshtoi numrin e shqiptarëve që Farage pretendonte se jetojnë në Britani  duke thënë se popullsia shqiptare në Britani është shumë më e madhe deri në 140,000, çka e bën statistiken e burgosjes edhe më të pabesueshme.

"Censusi” juaj për shqiptarët në Mbretërinë e Bashkuar është qesharak. Ju pretendoni se janë 53,000. Në realitet, numri është shumë më i lartë – disa herë më i madh. Por të qëndrojmë tek burimi juaj: The Telegraph, i cili i pari shpalli teorinë e “një në 50” dhe më pas pranoi vetë:

Analiza ka të ngjarë të ketë nënvlerësuar madhësinë e popullsisë shqiptare, pasi nuk përfshin migrantët e paligjshëm, përfshirë mbi 12,000 që mbërritën me varka të vogla në vitin 2022. Disa vlerësime sugjerojnë se popullsia e vërtetë shqiptare mund të jetë deri në 140,000 – çka do të thotë se më pak se një në 100 ndodhen në burg”, replikoi Rama me deputetin anglez me një foto AI. 

Qasja e Ramës si mjet propagande brenda dhe jashtë vendit 

Në reagimin e tij ndaj deklaratave të Nigel Farage, Rama zgjodhi të orijentohet drejt një narrativë nacionaliste, e cila përdoret prej tij të sigurojë mbështeyje jo vetëm brenda vendit, por edhe nga diaspora shqiptare në Britani dhe më gjerë.

Kjo pasi ai i përshkroi shqiptarët si njerëz të ndershëm e punëtorë, duke kundërshtuar përshkrimet negative të Farage. 

Ne këtë debat, duket se Rama shfrytëzoi ndjenjën e krenarisë kombëtare për të forcuar imazhin e tij si lider që i përfaqëson të gjithë shqiptarët, pavarësisht vendndodhjes.