Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Pas Varhelyi, edhe PPE apelon Ramën: Prisni opinionin e Komisionit të Venecias për Kodin e ri Zgjedhor!

Politiko 26 Tetor 2020, 18:02

Pas Varhelyi, edhe PPE apelon Ramën: Prisni opinionin e Komisionit të

Pas Komisionerit për Zgjerimin, Oliver Varhelyi, edhe numri dy i PPE në Parlamentin Europian, Andrei Kovaçev apelon qeverinë shqiptare që të presë fillimisht opinionin e Komisionit të Venecias dhe më pas të kalojë në votim Kodi i ri Zgjedhor, i kthyer nga presidenti Ilir Meta.

“Mbështes qëndrimin e Komisionerit Oliver Varhelyi!  Kodi Zgjedhor duhet të jetë, në çdo rast,  në përputhje me Opinionin e Komisionit të Venecias, pasi do të ishte në favor të demokracisë në Shqipëri.  Unë i bëj thirrje Kryeministrit Rama dhe Kuvendit të Shqipërisë që ta respektojnë këtë”, deklaron Andrei Kovaçev.

Pas Varhelyi, edhe PPE apelon Ramën: Prisni opinionin e Komisionit të

Kujtojmë se komisioneri për Zgjerimin, Oliver Varhelyi reagoi pas vendimit të Presidentit Meta për të dërguar për opinion në Komisionin e Venecias ndryshimet në Kodin Zgjedhor.

Përmes një postimi në “Twitter”, Varhelyi shkroi se Komisioni i Venecias do të sigurojë këshilla të shpejta për palët rreth Kodit dhe se parlamenti duhet të marrë në konsideratë pritjen për të rivotuar.

“Kodi Zgjedhor i Shqipërisë: Unë besoj se Komisioni i Venecias do të sigurojë këshilla të shpejta për palët e interesuara shqiptare mbi zbatimin e Ndryshimeve Kushtetuese të 30 korrikut. Parlamenti duhet të marrë në konsideratë pritjen e rivotimit për të marrë parasysh këtë këshillë. Duke pritur për zgjedhje të lira dhe të ndershme në prill 2021”, shkruan Varhelyi.

Megjithatë, pas rekomandimit të Varhelyi, socialistët nuk do të presim mendimin e Komisionit të Venecias për miratimin në Kuvend të Kodit Zgjedhor, pasi votimi është përfshirë në rend dite në Komisioni për Çështjet Ligjore, mesditën e të martës dhe më pas këto ndryshime do të kalojnë në seancën e së enjtes në parlament.

 

Të fundit