Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Përfaqësuesi i PD: Drejtori i Burgut të Fierit i orientoi personat që vuajnë dënimin të votojnë Gramoz Ruçin

Politiko 31 Maj 2021, 12:06
Përfaqësuesi i PD: Drejtori i Burgut të Fierit i orientoi
Foto ilustruese

Teksa Komisioni i Ankesave dhe Sanksioneve po shqyrton ankimimin e PD për qarkun e Fierit, përfaqësuesi ligjor Marash Logu ka denoncuar drejtorin e burgut, Arian Hasanin.

Sipas Logut, ky i fundit iu ka kërkuar të burgosurve dhe punonjësve të këtij institucioni që të votojnë për numrin 10, që i korrespondonte kandidatit të PS, Gramoz Ruçit.

Ai shton se personat që vuajnë dënimin janë orientuar se për kë do votojnë, duke e cilësuar si deformim të vullnetit. Logu i ka mëshuar faktit se PS i ka marrë votat duke realizuar punësime elektorale.

Referuar këtyre pretendimeve që ka ngritur gjatë mbledhjes së sotme, ai kërkon shpalljen e pavlefshmërisë së rezultatit zgjedhor në këtë qark dhe përseritjen e zgjedhjeve.

Nuk pritet të ketë ndonjë surprizë nga KAS, pasi kjo kërkesë e PD është hedhur poshtë edhe gjatë shqyrtimit të qarqeve të tjera.

“Kallëzimi penal i PD, që iu ka vënë në dispozicion edhe ju. Ne kemi paraqitur faktin që drejtori i Burgut, në Fier, shtetasi Arian Hasani, i ka treguar drejtuesve dhe punonjësve të institucioni si dhe të burgosurve, që të votojnë për numrin 10, në Qarkun Fier, numër që mbahet nga kryetari i Parlamentit zoti Gramoz Ruçi. Ne na rezulton që vota për kandidat të PS në këtë qark ka pasur 67, nga të cilat 26 prej tyre i ka marrë shtasi Gramoz Ruçi. Në vlerësimin tonë provon që ka pasur një orientim të qartë për të votuar numrin 10.

Në vlerësimin tonë provon pretendimin që ka pasur një orientim për të votuar një numër specifik në qendrën votimi. Kjo konfirmon pretendimin e ngritur nga ana jonë. Sa i takon fshatit Buzë Mall, për të cilën kemi bërë kallëzim. Këtu ka 2 qendra votimi dhe po të shohim, shihet se ka rritje të numrit të votuesve për PS. Në kutinë, 3095 ka pasur 123 votues, sot ka 194 për PS. E njëjta gjë është në qendrën e votimit 3096 ku ka një rritje. Ky informacion që u mor nga dy anëtarë të KAS, konfirmon që punësimet që janë kryer, ka ndikuar në rezultatin e PS”, u shpreh Logu.

 

Të fundit