Flash News

Kur nderi ‘vret’ më shumë se dhuna, Lediona Braho për Politiko: Incesti, një problem i heshtur në shoqërinë shqiptare

Vijon zjarri në inceneratorin e Elbasanit, tymi toksik rrezikon shëndetin e qytetarëve

SHBA feston 249-vjetorin e Pavarësisë

Pas ultimatumit të Ramës, japin dorëheqjen të gjithë drejtorët e bashkisë së Vlorës

Posta e mëngjesit/ Me 2 rreshta: Çfarë pati rëndësi dje në Shqipëri

Ditari i Maxhorancës

Përgjimet, Veliaj çon në gjykatë Grida Dumën për shpifje: Asnjë leje nuk është ndikuar nga grupe interesash

Politiko 23 Janar 2021, 16:02
Përgjimet, Veliaj çon në gjykatë Grida Dumën
Erjon Veliaj, Grida Duma

Kryetari i Bashkisë së Tiranës, Erion Veliaj do të padisë në gjykatë ish-deputeten demokrate Grida Duma për shpifje. Kjo lëvizje vjen pas deklaratës së Dumës, e cila tha se përgjimet e antimafias italiane konfirmojnë se në Tiranë me lejet e ndërtimit, me koncesionet dhe me tenderat publikë pastrohen para për mafian italiane.

Përmes një reagimi zyrtar, Veliaj thekson se këto janë vetëm dëshirat e disa mafiozëve italianë për të bërë plane biznesi për Shqipërinë dhe të PD-së.

Ai thotë se nënvizon se asnjë leje e Bashkisë së Tiranës nuk është e ndikuar nga grupe interesash, të lidhura me biznese të paverifikueshme.

“Po ndjek përmes shtypit, se si dëshirat e disa mafiozëve italianë për të bërë plane biznesi për Shqipërinë dhe dëshirat e PD-së që këto plane të jenë të vërteta, na janë bashkuar në gojën e një trafikanteje të njohur apartamentesh”, u shpreh Veliaj.

Ky i fundit i ka bërë thirrje Prokurorisë të hetojë këtë shpifje, siç e quan ai.

“E vetmja gjë e paverifikuar për ne, mbetet se si Grida Duma u bë investitore pallatesh vite më parë, duke përfunduar në gjyqe për mashtrime dhe duke lënë burgjeve partnerët e saj në biznes. I bëj thirrje Prokurorisë që të hetojë cilindo që tenton të flasë në emër të Bashkisë së Tiranës apo të çdo institucioni tjetër lidhur me histori të tilla. Ndërkohë, Grida Duma do të duhet ta provojë në gjykatë shpifjen e saj të radhës, njësoj si 7 herët e tjera kur zyrtarët e PD-së janë gjykuar e shpallur si shpifës nga drejtësia”,  thuhet në reagimin e Kryebashkiakut Veliaj.

 

Të fundit