Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

“Po bllokon projektin turistik të Vlorës”, zëdhënësi i Metës i përgjigjet Ramës: S’ka pasur autorizim për të negociuar marrëveshje huaje

Politiko 4 Janar 2021, 20:38

“Po bllokon projektin turistik të Vlorës”,

Zëdhënësi i presidentit Tedi Blushi i është përgjigjur deklaratës së kryeministrit Edi Rama nga Vlora, kur akuzoi kreun e Shtetit se po mban peng projektin për infrastrukturën turistike të Vlorës që lidh Ujin e Ftohtë me Radhimën dhe Orikumin.

Teksa inspektoi nisjen e punimeve rrugore, Rama tha se kreu i shtetit prej disa muajsh nuk ka dhënë plotfuqinë për disbursimin e fondit që është vënë në dispozicion nga fondi saudit.

Në një reagim në rrjetet sociale, Blushi i cilëson deklaratat e kryeministrit të papërgjegjshme dhe ka bërë publik qëndrimin zyrtar të Presidentit të Republikës rreth projektit , që sipas tij nuk ka pasur autorizim për të negociuar marrëveshje huaje.

“Pas inskenimeve dhe deklaratave të papërgjegjshme, të bëra sot në Vlorë, nga Kryeministri ende në detyrë, për nevoja të propagandës së tij elektorale, jemi të detyruar të bëjmë publik qëndrimin zyrtar të Presidentit të Republikës Sh.T.Z Ilir Meta: “Mbi përmbushjen e detyrimeve kushtetuese dhe ligjore për lidhjen e marrëveshjes së Huasë ndërmjet Republikës së Shqipërisë dhe Fondit Saudit për Zhvillim, për Projektin e ‘Rehabilitimit dhe ndërtimit të objekteve në afërsi të rrugës bregdetare (Vlorë-Orikum)’”.

Nga kjo letër, drejtuar Ministrisë së Financave dhe Ekonomisë, si dhe Ministrisë për Europën dhe Punët e Jashtme, evidentohet qartë se Presidenti Meta në mënyrë të përsëritur ka kërkuar informacion mbi arsyet pse nuk është respektuar procedura kushtetuese dhe ligjore për t’u pajisur me autorizim nga Kreu i Shtetit, për të negociuar termat financiarë të një marrëveshje huaje, që lidhet në emër të Republikës së Shqipërisë.

Është tashmë e qartë se, Kryeministri ende në detyrë synon, që në shkeljet e rënda për këtë marrëveshje, të përfshijë dhe Presidentin e Republikës, me qëllim, që këtë model antikushtetutshmërie, ta përdorë edhe në praktika të tjera të ngjashme, që Qeveria ka në proces.

Presidenti Meta, sikundër ka bërë publike, është i vendosur dhe nuk do të tolerojë në asnjë rast shkeljen e Kushtetutës.

Presidenti Meta, garanton qytetarët e Qarkut të Vlorës dhe të gjithë Shqipërisë se është i vendosur të mbrojë interesin publik dhe njëkohësisht do të respektojë kërkesat e tyre për investime publike, pa i lënë shteg Kryeministrit ende në detyrë, që të shpërdorojë fondet shtetërore për qëllime selektive elektorale”, shkruan Blushi.