“Shefat e komisariateve merrnin 5 mijë euro në muaj”, Hoxha rrëfen bisedën me Martinajn në 2015-ën

Jeton Lami, me detyrë agjent i Forcave Operacionale të Policisë së Shtetit, u arrestua sot nën akuzën e “Shpërdorimit të detyrës”, pasi dyshohet të ketë ndihmuar në arratisjen e të shumëkërkuarit Ervis Martinaj.

Gazetari Artan Hoxha ka sjellë një episod nga operacioni “Fundi i marrëzisë” që në vitin 2015 synonte goditjen e lojërave të fatit të cilat zhvillonin aktivitete në mënyrë të paligjshëm. Në mesin e tyre, Hoxha i referohet edhe Martinajt, i njohur ndryshe me nofkën “mbreti i lojërave të fatit”.

Në një postim në Facebook, Hoxha shkruan se asokohe i ftuar në një program televiziv gazetari ishte duke folur për nivelin e korrupsionit në vend, sidomos për mënyrën se si efektivët e policisë bliheshin nga grupet kriminale.

“Tirana, ka 6 shefa komisariatesh. Kam mësuar se 5 prej tyre, marrin një shpërblim fiks prej 2 mije eurosh ne muaj nga një kompani bastesh”, ka thënë asokohe Hoxha. Gazetari pohon se vetëm disa minuta pas deklaratës së tij, i ka telefonuar një person i prezantuar si Ervis Martinaj, i cili mësohet t’i ketë thënë “E ndoqa me vëmendje emisionin tuaj, por ishe pak i pasaktë. Dëgjo, edhe ai i gjashti, është në listëpagesë”.

Hoxha e bën referimin për të treguar se ndihma që agjenti i ka dhënë Martinajt, është dicka e zakonshme për “mbretin e kazinove”.

Postimi i Hoxhës:

Asgje e re, nga ngjarja ne perendim te Shqiperise..

Sot, beri shume zhurme, arrestimi i nje efektivi te Forces se Posaçme Operacionale, i cili akuzohet se ka sherbyer si truproje apo shofer i “mbretit te lojerave te fatit” ne Shqiperi, Ervis Martinaj…

Per ata qe e kane njohur Martinajn, ky fakt nuk perben asnje çudi.

Sa per ilustrim po sjell nje episod ne vitin 2015, pak kohe pas operacionit me emrin e koduar “Fundi i marrezise”, ku synohej te goditej paligjshmeria ne industrine e lojerave te fatit, por ne fakt ndodhi e kunderta.

Moderatori i Neës24, me kishte ftuar ne rubriken “Opinion”, qe transmetohej live, çdo pasdite ne oren 17:00.

Gjate bisedes po shpjegoja se si krimi i organizuar korruptonte policine, jo vetem qe ta neutralizonte per te mos e goditur, por edhe per ta kthyer ne nje bashkepunetore ne luften kunder grupeve rivale…

Ne nje moment moderatori me pyet, se deri ne cfare niveli shkonte ky korrupsion dhe si behej pagesa?!

Po te sjell vetem nje detaj,-i thashe.

Tirana, ka 6 shefa komisariatesh. Kam mesuar se 5 prej tyre, marrin nje shperblim fiks prej 2 mije eurosh ne muaj nga nje kompani bastesh, qe kontrollon tregun e lojerave te fatit ne vend dhe ka lidhje te forta me boten e krimit.

Kjo tarife u jepet drejtuesve te komisariateve aforfe, qofte dhe pa bere asnje kontakt ose bashkepunim. Pastaj kush tregohet me fleksibel, e shumefishon pagesen ne varesi te kontributit qe jep.

Kaq mjafton qe ky grup i strukturuar kriminal, jo vetem te mos goditet ne aktivitetin qe kryen, por edhe te ndihmohet duke sulmuar rivalet e tij.

Ne ate moment moderatori me pyet:

Sikur ishin 6 shefa komisariatesh, pse thua qe vetem 5 prej tyre jane ne borderone e kompanise se lojerave te fatit???!!

I gjashti, i thashe, nuk e ka marre akoma emerimin, eshte vetem i komanduar dhe nuk e di nese e kane futur ne listepagese…

Nuk kishin kaluar as 10 minuta nga mbarimi i emisionit, kur me bie celulari dhe nga ana tjeter e telefonit, me foli nje person, i cili u prezantua si Vis Martinaj.

“E ndoqa me vemendje emisionin tuaj, por ishe pak i pasakte”,-me tha.

I zene ne befasi, pasi e njihja mire kush ishte, cfare perfaqesonte dhe nuk e prisja te me merrte vete ne telefon, i them: ku isha i pasakte?!!

“Degjo-me tha,- edhe ai i gjashti, eshte ne listepagese”….

Prandaj, nese diku, apo dikur, do te gjentet listapagesa qe Vis Martinaj, u ka bere zyrtareve te larte te shtetit, drejtuesve te policise, prokuroreve ose gjyqtareve, nepermjet kompanive te tij te lojerave te fatit, do te habiteshin edhe specialistet me te mire te Ministrise se Financave, se sa rigoroze dhe e sakte ka qene e perpiluar….