Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Presidenti i përgjigjet sulmit të Ramës: Do të ballafaqohen shumë shpejt me Ilir Metën, teatri i kukullave përfundoi në 25 prill

Politiko 24 Janar 2022, 12:48

Presidenti i përgjigjet sulmit të Ramës: Do të ballafaqohen

Presidenti Ilir Meta i është përgjigjur kryeministrit Edi Rama, i cili e quajti “grata” e “non grata” dhe e akuzoi se po mban peng vendin.

Meta u shpreh për mediat se teatri i kukullave përfundoi më 25 prill, ndërsa paralajmëroi se kushdo që do të ballafaqohet me të, do të ndodhë shumë shpejt. Ai shtoi se nuk do të marrë pjesë në asnjë garë politike deri në përfundim të mandatit, 24 korrik.

“Këto janë kurthe diletantësh dhe koha e teatrit të kukullave përfundoi në 25 prill. Kështu që Meta as ka marrë dhe as do të marrë zgjedhje në asnjë garë politike deri në 24 korrik. Kemi bërë një premtim që pas 24 korrikut do të bashkëbisedojmë me popullin sovranist të dy marsit. Të gjitha ata që i ka marrë malli të ballafaqohen me Ilir Metën do ta kenë këtë mundësi shumë shpejt”, u shpreh Kreu i Shtetit.

Këto deklarata Meta i bëri pas homazheve që zhvilloi tek shtatorja e themeluesit të shtetit modern, Ismail Qemali, ne bulevardin "Deshmoret e Kombit". Ai tha se është momenti për të reflektuar, forcuar shtetin e institucionet, përshpejtuar integrimin dhe dhënies fund  të shpopullimit.

Meta u pyet nga gazetarët edhe për vargjet që recitoi nga Korça. Ai tha se u frymëzua nga artistët e atij qyteti dhe nga dashuria për atdheun, ndërsa “thumboi” kryeministrin Edi Rama. Ai tha se “çunat e Ballkanit të Hapur” janë të shqetësuar nga përmbajtja e vargjeve.

“Të shkosh në Korcë, të rrish me ata artista të mrekullueshëm të shkosh atje dhe të përjetosh momentin që kur ti shkon e fillon bora, që na mungon aq shumë, pavarësisht se do duhet të marrim më shumë masa që edhe mos mbyllen shkollat për këtë arsye.

E kuptoj që çunat e shoqatës së Ballkanit të Hapur janë shqetësuar, nga përmbajtja e vargjeve që unë recitova, që i dedikohen një akti patriotik të jashtëzakonshëm, si hapja e shkollës së parë shqipe në Korçë. Unë s’jam kaq kozmopolit, jam pak i edukuar me dashurinë për Atdheun për më të mirën e trevave tona, që nga Shkodra deri në Vlorë”, u shpreh Meta.

 

Të fundit