Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Projekti i Portit të Durrësit shqetëson opozitën, dritëhijet përtej planeve 3D

Politiko 15 Gusht 2022, 13:29
Projekti i Portit të Durrësit shqetëson opozitën,
Plani 3D

Ndërtimi i Portit të Durrësit është kthyer në fokus të debatit publik. Nga njëra anë është kryeministri Edi Rama, i cili shfaq në rrjetet sociale projektet 3D dhe tjetra është opozita, që po ngre alarmin se pas këtij projekti po fshihet një megaskandal dhe vjedhje e madhe.

Më herët, themeluesi i “Emaar Properties” Mohamed Al Alabbar ka deklaruar se punimet për ndërtimin e portit turistik në Durrës mund të nisin për 2 ose 3 muaj maksimumi, duke theksuar se kostoja fillestare e projektit që parashikohej në 2 miliardë dollarë ose euro mund të rritet, për shkak të detajeve që mund të ndryshojnë rrugës.

Investimi prej 2 miliardë eurosh është një bashkëpunim midis “Eagle Hills Real Estate Development” shpk, përfaqësuar nga investitori e zhvilluesi me famë botërore Muhammed El Alabbar dhe “Albanian Seaports Development Company”.

Dritëhijet e projektit

Kompania Emaar nga Emiratet e Bashkuara Arabe mori përsipër të investonte 2 miliardë dollarë në transformimin e portit aktual. Projekti parashikon ndërtimin e shërbimeve të dedikuara turizmit, apartamente, hotele dhe qendra tregtare, luksoze për ta kthyer zonën në një atraksion të turizmit elitar.

Por edhe pse për pak kohë pritet të nisin punimet, ende nuk ka një projekt të detajuar apo studim fiziblititeti, që të jenë bërë publikë. Ende nuk dihet saktë se çfarë humb dhe fiton Durrësi nga ky investim nën petkun e investimeve strategjike.

Por ajo që dimë është se pala arabe do të përfitojë një hapësirë truall me vlerë shumë të lartë. Opozita flet për shifrën e 1.5 milionë metra katrorë. Duke qenë se Porti i Durrësit do të kthehet në një destinacion luksoz, qeveria ka planifikuar që portin tregtar ta zhvendosë në zonën e Porto-Romanos dhe vlera e ndërtimit është rreth 500 milionë euro, të cilat do paguhen nga taksat e shqiptarëve.

Pra, praktikisht do të investohen 2 miliardë euro, ndërsa shpenzimet, që duhet të kryejë qeveria për të pasur një port të ri, është rreth 3.8 miliardë euro, nëse marrim parasysh se vlera investimeve të portit ndër dekada është rreth 1,3 miliardë euro. 

 

Të fundit