Flash News

“Përplasja” Rama-Basha me video-selfie: një rikthim te ‘Pakti 2017’/ E SHPJEGUAR

Qëlloi me thikë bashkëmoshatarin, arrestohet 17-vjeçari në Tiranë

Ish-deputeti demokrat, Myslim Murrizi paraqitet në SPAK

Të shtënat në drejtim të “CFO Pharma”, policia jep detaje

Pazaret e Ramës për 11 majin: Më jepni votën, t’iu jap BE-në

E-TJERA

Vrasja e 25-vjeçarit, Prokuroria përjashton nga hetimet policinë e Tiranës; ekspertiza: Plumbi në zemër, fatal për të riun

Politiko 8 Dhjetor 2020, 12:51
Vrasja e 25-vjeçarit, Prokuroria përjashton nga hetimet
Në foto: Viktima Klodjan Raxha

Prokuroria e Tiranës ka përjashtuar nga hetimet Policinë e Tiranës në lidhje me vrasjen e 25-vjeçarit, Klodjan Rasha.

Mësohet se, hetimet mbi vrasjen e të riut nga efektivi i policisë do të kryhen nga Prokuroria së bashku me SHÇBA.

Kujtojmë se, mbrëmjen e djeshme punonjës të patrullës së Shqiponjave ishin përcaktuar për kontrolle në zonën e Laprakës, teksa gjatë shërbimit, në mesnatë kanë pikasur një të ri që ecte në rrugë.

25-vjeçari nuk i është përgjigjur thirrjes së policisë për të ndaluar, duke u futur në një rrugicë. Ndërkohë dy policët janë ndarë në rrugë të ndryshme, për t’i dalë para të riut, ndërsa pas 800 metra ndjekjeje, një prej efektivëve ka qëlluar ndaj të riut. Në dëshminë e tij përballë policisë, efektivi është shprehur se kishte menduar se 25-vjeçari e kishte kërcënuar me armë dhe ndaj kishte vepruar.

Këtu prokuroria ka dyshimet e saj, ndërsa po vijon hetimet. “Kemi synuar me kolegun tim që ta ndalonim personin, për ta pyetur se pse kishte dalë nga banesa”, mësohet të ketë thënë polici, duke shtuar më tej se: “Kam njoftuar sallën dhe i jam vënë në ndjekje ku herë pas here i kam bëre thirrje të ndalojë. I kërkova ta ndalojë për ta pyetur për arsyen e daljes por ai nuk u bind. Here pas here kthehej dhe m’u duk sikur më kërcënoi me armë dhe veprova”.

Mësohet se polici, është baba i një fëmije të mitur, ndërsa kishte 3 vite që ishte pjesë e Policisë së Shtetit, dhe nuk njihej si person problematik në punë. Nga ekspertiza paraprake, Klodjan Raxha është qëlluar me një plumb që i ka prekur arterien kryesore të zemrës, duke i shkaktuar atij vdekjes.

Nga ana tjetër policia deklaroi se rreth 80 metra larg trupit të të riut u gjet një pistoletë, ndërkohë që po hetohet nëse i përket atij apo nuk ka lidhje me ngjarjen në fjalë. Referuar kësaj piste, i ati i Klodjan Raxhës ka thënë i bindur se i biri nuk dispononte armë me vete.

Të fundit