“Pushtimi” i Shqipërisë nga turistët vendas dhe të huaj, 10 vendet më të vizituara gjatë 2023-it

Turizmi në Shqipëri këtë vit ka qenë në një nga periudhat e tij më të mira. Të shumtë kanë qenë turistët e huaj të cilët kanë zgjedhur si destinacion vendin tonë, kush detin e kush natyrën, malet.

Politiko.al ka sjellë një peizazh të 10 prej vendeve më të vizituara në Shqipëri gjatë vitit 2023, ku ka pyetur disa nga agjencitë turistike që operojnë për udhëtimet brenda vendit.

´Zenith` e rendit Sarandë/Ksami si destinacionin më të preferuar.

 Të njëjtin mendim kishte dhe “4season Travel&Tours”, teksa shprehet se `´Saranda ishte qyteti më i vizituar këtë sezon veror për shkak se ka plazhet me të bukura në Shqipëri . Strukturat Akomoduese nga Maji deri në Shtator kanë qenë totalisht të rezervuara .Turistet Italian ishin më të shumtë në numër , për shkak të afërsisë gjeografike që kanë me Shqipërinë . Çmimeve konkurruese që Shqipëria ofronte ne krahasim me vendin e tyre por dhe prej rrjeteve Sociale ku Plazhet e Jugut u quajtën MALDIVET E EUROPES  . Saranda kishte një rritje mbi 30% me shume turist në krahasim me vitin 2022`´.

Pas Sarandës një tjetër qytet bregdetar mban stafetën për vizitat e shumta. Njësoj si Saranda po ashtu dhe Vlora ishte TOP DESTINATION për këtë vit .

Vlora

Plazhe me rërë, gjire të izoluara, ujë kristalor, shkëmbinj dhe deti që ngjan me Karaibet, Vlora ofron edhe një paketë të plotë turistike te ndërthurur dhe me Turizmin Kulturor .

Si Saranda po ashtu dhe Vlora kishte një rritje mbi 30% te numrit te turistëve duke krahasuar me një vit më parë.

Durrësi

Durrësi është një nga qytetet më të frekuentuara nga Pushuesit vendas për pushimet Verore pasi ka një vije bregdetare tepër të gjatë me rërë qe preferohet shume nga familjet .

Por këtë sezon përveç pjesës së Turizmit Detar pati një kërkesë disa herë më të madhe për Turizmin Kulturor në Durrës.

Përveçse plazheve të shumta, Durrësi i ofroj turistëve edhe një histori gati 3 mijë vjeçare, me një trashëgimi të pasur kulturore.

Vlen të theksohet që ka qenë një nga vendet më të preferuara të turisteve gjerman .

Kruja

“Kruja është qyteti historik më i vizituar në Shqipëri prej disa vitesh dhe por këtë vit numrat e vizitorëve ishin goxha më të larta se çdo vit tjetër”, shprehet për Politiko “4season Travel&Tours”.

Turistët e huaj e vizituan më së shumti pasi ofron ndjesinë  e dykohësisë , mes periudhës se lavdishme të Skënderbeut dhe realiteti të sotëm .  Muzeu Etnografik i Krujës është unik dhe mund të cilësohet si më i miri në Ballkan.

Berati

Berati qyteti i "NJË MBI NJË DRITAREVE "  që bën pjesë në Trashëgiminë Kulturore të UNESCO-S këtë vit kishte një bum të vërtet turistësh që kaluan vetëm për periudhën e sezonit veror mbi 400.000 turist.

Vendet që u vizituan më se shumti në Berat këtë vit ishin : Kalaja , Parku Kombëtar i Tomorrit , Kanionet e OSUMIT .

Gjirokastër

Gjirokastra për periudhën Janar - Gusht u vizitua nga 120 mije turistë nga të cilët 80 mijë ishin të huaj dhe 40 mijë turiste vendas . Këto shifra janë nga Drejtoria e Turizmit, Trashëgimisë dhe Sporteve në bashkinë e Gjirokastrës.

Destinacionet e preferuara për turistët në Gjirokastër janë : Kalaja e Argjiros , Pazari , banesat karakteristike të Zekatëve, Skëndulajve dhe Parku Arkeologjik i Antigones .

Korça

Korça preferohet për Turizmin Dimëror dhe ndryshe nga qytetet e tjera si Gjirokastra , Berati ose Kruja që preferohen nga Turistet e Huaj Korça preferohet nga turistët vendas.

Turistët vendas e preferojnë më shumë për të kaluar Festat e Fundvitit .

Për vitin 2023 akoma nuk ka shifra fikse por për vitin 2022 Korça kishte më shumë se 300 mijë turist.

Të listuara si dy nga fshatrat më të preferuar, Dardha preferohet kryesisht në dimër për peizazhin me borë, ndërsa Voskopoja gjatë vjeshtës për freskinë.

Fshati turistik i Dardhës, ndodhet 20 km në jug-lindje të Korçës. Byreku në saç e skitë në dëborë e bëjnë Dardhën destinacionin perfekt për stinën e dimrit.

Voskopoja ndodhet vetëm 18 kilometra larg nga qyteti i Korçës. Aty ku mund të shijosh natyrën dhe ajrin e pastër, e të ecësh në rrugët e kalldrëmta.

Alpet     

                                                                                                                                                           

Lumi i Gashit , Lugina e Valbonës , Vermoshi , Thethi Dhe Boga ishin një tjetër destinacion që u vizita më shumë në vendin tonë.

Ndryshe nga 1 vite me parë që turistët e huaj ishin më të shumtë në  numër se qytetarët shqiptar këtë vit kërkesat nga shqiptarët për grupe të organizuara drejt këtyre destinacioneve ka qenë shumë e madhe .

Rezervimet për data të caktuara u mbyllnin kohë më parë.

Alpet Shqiptare me  reliev malor me kontraste të shumta, të përshkuara nga lugina lumenjsh me ujëra të kristalta, gryka dhe qafa malesh që të intrigojnë të vazhdosh më tej për të eksploruar natyrën, me një bimësi të pasur, përfaqësojnë një perlë me vlera unikale për Shqipërinë, madje edhe në botë.

Turizmi Malor këtë vit kishte një rritje me 50% me shumë se vitet e kaluara .