Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Rama ëndërron për robota, shqiptarët e paguajnë nga xhepi “shëndetësinë falas”. Si e fundosi raporti i OBSH?

Politiko 26 Janar 2024, 12:02

Rama ëndërron për robota, shqiptarët e paguajnë nga

Edhe pse shëndetësia është falas, siç premtohet çdo vit nga qeveria, raporti i fundit i OBSH tregoi se një shqiptar, vetëm në vitin 2021, ka paguar mesatarisht për shëndetin 465 dollarë. Kjo shumë në masën 59.7% (277 USD) është përballuar nga xhepi dhe pjesa tjetër 39.7 për qind nga shpenzimet e qeverisë nga buxheti i shtetit.

Pra, sipas raportit krahasuar me vendet e rajonit, një shqiptar paguan më shumë se një maqedonas, malazez apo serb. Shqiptarët përballen me kosto e shpenzime të shëndetësisë që dalin direkt nga xhepi i tyre.

Por, sot kryeministri u rrok të bënte një reklamë falas, teksa fliste për kushtet dhe ndryshimet e bëra në Spitalin e QSUT. Rama tha se sot është më mirë të shkosh në një spital shtetëror, se sa të harxhosh lekë në spitalet private.

“Sot kushtet në spitalin e sëmundjeve të brendshme apo në disa struktura të tjera publike, janë të pakrahasueshme me spitalet private. Mjekët janë po ata. Cila është arsyeja për të shkuar dhe për të paguar shumë para nëpër struktura private, nëse nëpër struktura shtetërore mund të marrësh një shërbim shumë të mirë, nga të njëjtët mjekë, dhe në fund të kesh nxjerrë shumë pak nga xhepi”, deklaroi Rama.

Bazuar në raportin e OBSH-së, krahasuar me vendet e tjera të Evropës, Shqipëria mban rekord për shpenzimet nga xhepi. E dyta pas nesh është Maqedonia e Veriut, me 41.7%, e ndjekur nga Mali i Zi (38.1%), Serbia (35.8).

Treguesi më i ulët në rajon është në Bosnjë Hercegovinë (30.7%), ndërsa të dhënat për Kosovën mungojnë.

Madje, sikur të mos mjaftonte “reklama” që i bëri kushteve spitalore, Rama shkoi më larg me iluzionin duke premtuar se shumë shpejt në Shqipëri, ndërhyrjet kirurgjikale do të kryhen me robotë.

Të fundit