Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Rama: U brumosëm nga propaganda e regjimit se jeni e keqja më e madhe; Meta: Shtëpia e shqiptarit është e Zotit dhe e mikut

Politiko 4 Maj 2021, 10:25

Rama: U brumosëm nga propaganda e regjimit se jeni e keqja më e madhe;

Kryeministri Edi Rama, presidenti Ilir Meta

Sot ka nisur stërvitja “Defender Europe 21" në Durrës, ku është mbajtur edhe ceremonia mikpritjes. Kryeministri Edi Rama ka falenderuar gjeneralët amerikanë, ndërsa e ka cilësuar këtë moment të rëndësishëm për fuqizmin e raporteve SHBA-Shqipëri.

Ai foli edhe për raportet mes dy vendeve gjatë regjimit të diktaturës, duke theksuar se propaganda brumosi bindjen se SHBA-ja është e keqja më e madhe për Shqipërinë.

"I vlerësojmë marrëdhëniet e shkëlqyera, fakti është se mund të jenë edhe mË të shkëlqyera falë një besimi të madh, ndërveprimi reciprok. Gjenerata jonë u rrit në gjysmën e jetës deri këtu me idenë se ju nuk duheshit lënë të shkelnit në këtë vend. U brumosëm nga propaganda e regjimit të shkuar me bindjen se jeni e keqja më e madhe që mund t’i ndodhë Shqipërisë, por mbarë botës.

Për gjeneratën tonë, është vërtet një mrekulli e madhe që e ka ndarë jetën mes dy botëve, të asaj bote të vogël të errët dhe komplet të izoluar, dhe kësaj ku mund të mirëpresim me krenari e respekt, miqtë e partnerët tanë amerikanë.

Dua shumë të besoj që pas zbarkimit tuaj në Shqipëri edhe ju do ju ndodhë ajo që i ndodh të gjithëve, do doni të riktheheni përsëri. Shqipëria nuk është i këshilluar për të ardhur, për shkak të stereotipeve. Por kush vjen, dëshiron të rikthehet. Kam shumë besim që do të ndodhë edhe me ju. Jo vetëm në kapacitetin tuaj të lartë, por dhe miqve shumë të respektuar’’, tha Rama.

I pranishëm në aktivitet ishte edhe presidenti Ilir Meta. Ai u shpreh se vendi ndihet i vlerësuar, që u përzgjodh për të zhvilluar këtë stërvitje të rëndësishme.

Presidenti u ndal edhe te mikëpritja shqiptare, duke u shprehur mirëseardhjen trupave të huaj. Meta theksoi se marrëdhëniet Shqipëri-SHBA janë të hershme.

"Shqipëria si vend i NATO-s ndjehet e vlerësuar se po organizon stërvitjen. NATO është aleanca më e madhe e lirisë në botë. Mbështetja ndaj saj është unanime. Të nderuar pjesëmarrje, Defender 21, FA-të do të presin dhe mbështesin trupat që do të kalojnë në Shqipëri. Duke rritur nivelin e përgatitjes për të përmbushur misionin kushtetues.

Të gjithë ata që do të na vizitojnë do të mbetën të impresionuar sepse shtëpia e shqiptarit është e Zotit dhe e mikut. Të dashur miq të shumtë nga SHBA, miqësia e fortë është shumë e hershme sesa periudha e shtetit shqiptar. Daton edhe përpara sesa poeti i madh amerikan t’i thurte një prej poemat më të bukura Skënderbeut. Ne do të vazhdojmë në rrugën e lirisë dhe qytetërimit europian", tha Meta.