Flash News

Sondazhi/ PD renditet forca e parë në Shkodër

Breshëri plumbash drejt makinës, plagoset shqiptari në Zvicër

Ndërtoi pa leje hotelin, Prokuroria e Gjirokastrës sekuestron objektin, lihet në burg pronari

Ndërpritet energjia në Spanjë dhe Portugali, 'paralizohen' shërbimet

Richard Grenell reagon ndaj lajmit te ribotuar nga Politiko: Është i pavërtetë!

E-TJERA

Rritja e çmimit të karburanteve në Shqipëri/ Shkaqet e shtrenjtimit, akciza me ndikimin kryesor

Politiko 9 Shkurt 2022, 11:28

Rritja e çmimit të karburanteve në Shqipëri/ Shkaqet e

Në Shqipëri ka pasur një rritje të konsiderueshme të çmimit të karburanteve, trend ky që ka përfshirë edhe shtetet europiane. Shkaqet kryesore: janë rritja e çmimit të naftës në tregjet ndërkombëtare, rritja e inflacionit si dhe rënia e furnizimit të vendeve Europiane nga OPEC (Organizata e Shteteve Eksportuese të Naftës).

Sipas të dhënave të fundit, në muajin janar në Shqipëri u vu re një rritje e çmimit të naftës me 7 lekë/litër apo 3.8% më shumë krahasuar me muajin dhjetor 2021.

'Global Petrol Price' e rendit Shqipërinë te 20 shtetet me çmimin më të lartë të naftës në botë. Ndërsa krahësuar me rajonin, Shqipëria ka çmimin më të lartë të naftës dhe të benzinës, ndjekur nga Serbia. Ndërsa Kosova mbetet shteti me çmimin më të ulët.

Arsyet se përse Shqipëria renditet me çmimin më të lartë të rajonit, lidhen me nivelin e taksave që aplikohen mbi karburantet, ndryshimet fiskale të miratuara nga Këshilli i Ministrave, si dhe inflacioni.

Sipas të dhënave të “Open Data Albania”, shqiptarët paguajnë pesë lloje taksash mbi karburantet duke zënë kështu 52.2% të çmimit final të naftës, vlerë kjo e llogatitur për muajin janar 2022.

Aktualisht për 1 litër naftë, konsumatorët paguajnë 38 lekë akcizë për karburante, 27 lekë/litër taksë qarkullimi dhe 3 lekë/litër taksë karboni. Kësaj vlere i shtohet TVSH prej 20%, e cila po ashtu rëndon konsumatorin në vlerën rreth 32 Lekë/litër, duke bërë totalin rreth 100.2 lekë/litër vetëm taksa, pa marrë në konsideratë kosto të tjera të pikave të karburantit që operojnë në Shqipëri.

 

Të fundit