Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

E-TJERA

Shkarkoi 37-punonjës brenda ditës, dënohet me burg drejtoresha në Tiranë

Politiko 17 Prill 2021, 11:46
Shkarkoi 37-punonjës brenda ditës, dënohet me burg drejtoresha

Gjykata e Tiranës ka dënuar me tre muaj burg Ledina Mehmetin, e cila ka qenë drejtoreshë e Administrimit të Paketave Shëndetësore dhe Ekzaminimeve Terciare, pranë Fondit të Sigurimit të Detyrueshëm të Kujdesit Shëndetësor.

Vendimi është dhënë nga gjyqtari Sokol Tona, i cili në përfundim të shqyrtimit të çështjes ka vendosur masën shërbim prove për një periudhë 6 mujore për Mehmetin, raporton Ora News.

Çështja penale me nr. 4628 është hetuar nga prokurori përgjatë tetë muajve ku është  konstatuar se Lediana Mehmeti ka abuzuar me detyrën, duke shkarkuar brenda një dite 37 punonjës që ishin pjesë e drejtorisë që ajo kishte në varësi.

Prej tyre edhe pse ju suprimua pozicioni i mëparshëm i punës, u mbajtën në punë 6 punonjës duke i emëruar në sektorë të tjerë që nuk u suprimuan. Sipas prokurorisë, emërimi i këtyre punonjësve u bë pa konkurs të brendshëm dhe pa asnjë kriter përzgjedhje midis punonjësve që u pushuan nga puna dhe atyre që mbajtën në punë.

Prokuroria e Tiranës gjeti shkelje të tjera, që bëjnë fjalë për tenderat në spitalet rajonale të Beratit dhe Shkodrës, në blerjen e medikamenteve të ndryshme, shkruan Ora News. Sipas Prokurorisë, këto tendera janë monitoruar nga Lediana Mehmeti, e cila megjithëse ka gjetur shkelje, me dashje nuk i ka pasqyruar në dokumentacion shkresor dhe me qëllim ka shmangur evidentim të përgjegjësive përkatëse për punonjësit e spitaleve.

Po sipas Prokurorisë, këto shkelje nuk janë pasqyruar në vendimin përfundimtar që drejtoria ka marrë lidhur me problematikën e konstatuar dhe nuk janë referuar me kallëzim në Prokurori.“Në rastin konkret punonjësja e shtetit ka pasur detyrimin për të zbatuar ligjin duke bërë kallëzim penal por ajo duke shpërdoruar detyrën e saj zyrtare ka fshehur një krim…”-thotë prokuroria.

Të fundit