Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Shqipëria i dhuron vaksina anti-Covid Kosovës, Rama: Dozat simbolike nga java e ardhshme, të mos mendojmë si BE-ja

Politiko 11 Janar 2021, 16:01

Shqipëria i dhuron vaksina anti-Covid Kosovës, Rama: Dozat simbolike

Pak pasi bëri vaksinën antiCovid-19, në prononcimin për mediat, kryeministri Edi Rama ka bërë me dije se duke nisur nga java e ardhshme do të nisë dorëzimi i dozave që Shqipëria do i dhurojë Kosovës. Rama përmendi sërish Bashkimin Evropian, duke thënë se “ne nuk duam të bëhemi si ata". Kosova dhe Shqipëria janë një tha Rama, si në gëzim dhe në hall.

“Për mua është shumë e rëndësishme që edhe në Kosovë pavarësisht se ne nuk e zgjidhim dot problemin që ata kanë se ende nuk kanë siguruar vaksinën e presin sic do prisnim dhe ne për shkak se Covax që është platformë që s’dihet kur do jetë funksionale, të mund të fillojë të paktën në frontin e parë në spitalin covid të Prishtinës te Infektivi.Dozat që ne mund ti japim Kosovës nga java e ardhshme janë simbolike por është me shumë rëndësi që në këtë rast ne të mos mendojmë si BE, por të mendojmë që nuk jemi vetëm ne, e mbi të gjitha Kosova e Shqipëria janë një edhe në gëzim e në hall, nëse ky është një hall nëse nuk ia zgjidhim dot jemi të detyruar t’ja qajmë”.

Rama ka thumbuar po ashtu dhe Bashkimin Evropian teksa tha:

“Çdo gjë në rregull, asnjë problem, mendoj që është një ditë fantastike për faktin se jemi çliruar nga një barrë përgjegjësie për të mos lejuar që shqiptarët të mbeteshin në radhë e për të mundësuar që pavarësisht se Shqipëria e rajoni ku në bëjmë pjesë nuk u përfshi në skemën e furnizimit të menjëhershëm, të fillon te me sa më pak diferencë kohe nga ata të cilët kanë edhe gurin edhe arrën në dorë dhe i marrin vendimet dhe bëjnë dhe furnizimet. Ky spostim fare pak javor në kohë është vërtet një lehtësim i madh për mua."

 

Të fundit