Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

E-TJERA

Shqiptarët nuk trajnohen/ Të fundit në Ballkan, vetëm 0.7 % e punonjësve ka një trajnim profesional

Politiko 3 Dhjetor 2023, 21:26

Shqiptarët nuk trajnohen/ Të fundit në Ballkan, vetëm 0.7 %

Vetëm 0.7% e popullsisë shqiptare në moshë pune nga 25-64 vjeç ka kryer një trajnim profesional. Të dhënat e Fondacionit Europian të trajnimeve për vitin 2022  tregojnë se Shqipëria është në vendin e fundit në Ballkan, ndërsa më e përditësuar shfaqet Serbia me rreth 6%.

Bashkimi Europian me 11% ka popullsinë që ka marr pjesë më shumë në trajnime.

 “Në përgjithësi kultura jonë e ka që ne mbarojmë shkollën e duke punuar, duke mësuar. Madje shpeshherë edhe kur kompania paguan trajnime atyre ju duket si humbje kohe”, tha eksperti IT, Erion Demiri.

Stafi i trajnuar do të ndihmojë në rritjen e kompanisë sipas ekspertëve. Investimi i vazhdueshëm te burimet njerëzore nuk duhet të shihen si shpenzime të tepërta, por para që do ju kthehen shumëfish. Teksa këshillohet që edhe punonjësit duhet të jenë më kërkues ndaj vetes.

 “Kush do të avancojë duhet të qëndrojë me hapin e kohës. Kemi dy aspekte, të punësuarin që çfarë duhet të bëjë për veten ose më saktë çfarë mund t’i kërkosh punëdhënësit për të të pasuruar ty nga ana profesionale. Nga ana tjetër dhe punëdhënësi, bizneset shqiptare janë goxha mbrapa. Është një sasi e vogël kompanish, kryesisht kompani të mëdha të cilat kanë fondin e trajnimeve e i bëjnë ato me seriozitet. Pastaj, kemi shumicën e bizneseve shqiptare që nuk mendohet fare një fond trajnimesh vjetore”, tha eksperti i IT,  Erion Demiri.

Epoka digjitale që po jetojmë ka sjell nevojën edhe për përshtatjen e bizneseve në hapësirat virtuale me njohuri të përditësuara jo vetëm mbi profesionin por edhe më gjerë.

 “Ne duhet të kuptojmë që po jetojmë një kohë e cila ka ndryshime të mëdha teknologjike. Pandemia solli faktin që u eksperimentua puna nga shtëpia. Teknologji të reja lindën për të lehtësuar faktin që ne ishim të mbyllur. Kemi tani edhe inteligjencën artificiale që po rrezikon disa pozicione pune. Në këtë moment, duhet të ndryshojmë qasje”, shtoi Demiri.

/Top Channel

 

 

Të fundit