Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Shtyhet seanca në Apel ndaj Adriatik Llallës, avokati kërkon më shumë kohë për t'u mbrojtur

Politiko 12 Korrik 2021, 12:28

Shtyhet seanca në Apel ndaj Adriatik Llallës, avokati kërkon

Seanca në Gjykatën e Posaçme të Apelit për çështjen ndaj ish-kryeprokurorit Adriatik Llalla është shtyrë për në datën 16 Korrik në orën 11:00. Avokati i ish-kryeprokurorit ka kërkuar më shumë kohë për t'u mbrojtur.

Dy anëtarët e trupës gjykuese, Saida Dollani dhe Dhimitër Lara kanë dhënë sot dorëheqjen për shkak se ata kanë marrë pjesë në vendimin për sekuestron e pasurive të Llallës. Ata janë zëvendësuar nga Miliana Muça dhe Enton Dhimitri. Relatore në trupën gjykuese ndaj çështjes së Adriatik Llallës është gjyqtarja Nertina Kosova. 

Ish-kryeprokurori Adriatik Llalla vendosi të ankimojë në apel vendimin e 20 Majit të Gjykatës së Posaçme të Shkallës së Parë për Korrupsionin dhe Krimin e Organizuar. Ai u dënua nga kjo gjykatë me dy vite burg dhe heqjen e të drejtës për të ushtruar funksione publike për 5 vite, pasi akuzohet për deklarim të rremë dhe fshehje të pasurisë.

Llalës iu konfiskuan dhe disa pasuri si 4 sipërfaqe toke, në total 22 mijë metra katrore dhe 1 apartament në Durrës.

Të fundit